बनोटी ग्रामपंचायतीच्या उपसरपंचपदाचा राजीनामा दिल्याने उपसरपंचपदी बेबाबाई खैरनार बिनविरोध.
विजय चौधरी-सोयगाव तालुका प्रतिनिधी
बनोटी (ता.सोयगाव) ग्रामपंचायतीच्या उपसरपंचपदाचा राजीनामा दिल्याने रिक्त पदासाठी गुरुवारी (ता१८) झालेल्या निवडणुकीत बेबाबाई खैरनार यांची उपसरपंचपदी बिनविरोध निवड झाल्याने विजयी जल्लोष करण्यात आला.
मुरलीधर वेहेळे यांच्या नेतृत्वाखालील परिवर्तन ग्रामविकास पॅनलने ग्रामपंचायत निवडणूकीत अकरा जागांपैकी आठ जागांवरती वर्चस्व राखत एकहाती सत्ता असल्याने पाच वर्षांसाठी मुरलीधर वेहेळे यांची सरपंचपदी तर उपसरपंचपदासाठी पाच सदस्यांना एका वर्षांसाठी नियुक्तीच्या फार्मल्यानुसार नाजीयाबी शेख यांचा एका वर्षाचा कार्यकाळ पुर्ण झाल्याने त्यांनी दिलेल्या राजीनामाने रिक्त पदासाठी निवडणूक निर्णय अधिकारी मारोती धोंडकर यांच्या उपस्थितीत घेण्यात आलेल्या उपसरपंचपदासाठी च्या निवडणूक बेबाबाई खैरनार यांचा एकमेव अर्ज दाखल केल्याने त्यांची बिनविरोध निवड झाल्याचे निवडणूक निर्णय अधिकारी मारोती धोंडकर यांनी जाहीर केले.
यावेळी ग्रामपंचायत सदस्य रेखाबाई सोनवणे , काजोल वेहेळे, कमलाबाई सोनवणे, रेखाबाई जैन, कैलास चौधरी, धनंजय खैरनार, सुमनबाई वेहेळे, हिराबाई चव्हाण, छोटुराम पाटील, ग्रामविकास अधिकारी शहाजी भालेराव, शेख महेमुद, दत्तात्रय खैरनार आदी उपस्थित होते. नवनिर्वाचित उपसरपंच बेबाबाई खैरनार यांचा सत्कार करुन विजयी जल्लोष करण्यात आला यावेळी मुकेश जैन, ऋषीकेश सोनवणे, भुषण वेहेळे, उदय खैरनार, शेख अनिस , मलखान चव्हाण, भगवान खैरनार, शेख रशिद, संतोष खैरनार, सुनिल जाधव आदी सहभागी झाले होते.
