मोठ्या शिताफीने दुकान फोडले, पण 6 लाखाचा माल तिथेच सोडून गेले पहा नक्की तिथे काय घडले बातमी सविस्तर.
चोरीच्या घटना दिवसेंदिवस वाढत आहेत चोर कधी काही चोरून नेलं सांगता येत नाही. चोर हा वेगळा कुठला माणूस नसतो तर चोर हा आपल्याला तील एक व्यक्ती असतो, एखादी गोष्ट किंवा एखादी गरज भागवण्यासाठी तो वाईट कृत्य करत असतो. असे व्यक्ती आपल्या आसपासही असतात मात्र आपल्याला ते कळत नाही. जेव्हा आपली एखादी गोष्ट गहाळ होते, चोरीला जाते तेव्हा आपण नेमका चोर कोणता हे शोधायला सुरुवात करतो.
असं म्हटलं जातं चोर ते चोर आणि वर शिरजोर. या बातमीत एकानं अगदी आपल्या घराच्या बाजूला चोरी केली आहे. अक्षय कुमार, परेश रावल आणि सुनील शेट्टी यांचा हेरा फेरी चित्रपट तुम्हाला आठवतोय का. याच चित्रपटातील चोरीचा एक प्रसंग अलीकडेच नवी मुंबईतील एका सोनाराच्या बाबतीत घडलेला समोर आला आहे. कामोठे येथे नेपाळमधून आलेल्या तीन जणांनी दुकान भाड्याने घेऊन एक छोटं हॉटेल सुरु केलं. या हॉटेलच्या बाजूलाच असलेल्या सोनाराचं दुकान होतं. चोरट्यांनी शक्कल लढवत या दोन्ही दुकानांच्यामध्ये असलेल्या भिंतीला भगदाड पाडून दुकानातील १५ किलोंचा चांदीचा ऐवज लुटला आहे. या ऐवजाची किंमत जवळपास ५ लाख ८८ हजार एवढी होती.
पोलिसांनी दिलेल्या माहिती नुसार, त्या चोरांनी चोरी करायचा आधी सोनाराच्या दुकानाचं निरीक्षणही करुन ठेवलं होतं. जी भिंत फोडून ते दुकानात शिरले होते. तिथे लहान स्टोअर रुम असून तिथेच दागिने ठेवायची तिजोरी ठेवली होती. या तिजोरीत मोठ्या प्रमाणात सोन्या-चांदीचे दागिने ठेवले असतील, असा त्यांना विश्वास होता, अशी माहिती कामोठे पोलिस स्थानकाच्या पोलिस निरीक्षक स्मिता जाधव यांनी म्हटलं आहे.
ज्लेलरी दुकानाच्या सीसीटीव्ही कॅमेऱ्यात या चोरट्यांनी चेहऱ्यावर फडका बांधून प्रवेश केल्याचं दिसून येत आहे. त्यांनी बाजूच्या दुकानाची व ज्वेलरी दुकानाची सामायिक भिंतीला मोठे भगदाड पाडले होते. त्या भगदाडातून ते दुकानात आत शिरताना कॅमेरा मध्ये दिसून आले आहे. त्यानंतर त्यांनी पहिल्यांदा सीसीटीव्ही कॅमेरा फोडून टाकला. दुकानातील दागिन्यांच्या तिजोरी फोडण्यासाठी त्यांनी हातोडा, धातूचा रॉड, स्क्रू ड्रायव्हर, स्पॅनर, ऑक्सिजन सिलेंडर, गॅस कटर, रेग्युलेटर आणले होते.
चोरट्यांना लहान तिजोरी फोडण्यात यश आले होते. त्यांनी लहान तिजोरीतील सहा लाख किंमतीचे चांदीचे दागिने लंपास केले आहेत. गॅस सिलिंडर व कटरचा वापर करुन त्यांनी सोन्याचे दागिने असलेली तिजोरी फोडण्याचा प्रयत्न केला मात्र त्यांचा प्रयत्न फसला झाला. त्यामुळं त्यांनी सगळं सामान तिथेच ठेवून पळ काढला. पोलिसांनी या सर्व वस्तू ताब्यात घेतल्या आहेत. पुढील तपास पोलीस सध्या करीत आहेत.
