...
गुन्हेगारी

आठ वर्षांच्या मुलाचा खेळताना विजेच्या खांबाला लागला हात, आणि होत्याच नव्हत झालं.

खेळताना विजेच्या खांबाला हात लागला, आठ वर्षांच्या मुलाचा तडफडून मृत्यू झाला, हि घटना CCTV मध्ये कैद झाली आहे. विजेच्या खांबाला हात लागून जवळच खेळत असलेल्या आठ वर्षीय चिमुकल्याचा दुर्दैवी मृत्यू झाला. इलेक्ट्रिक पोलमध्ये विद्युत प्रवाह उतरल्यामुळे बालकाला शॉक लागला. ही धक्कादायक घटना सीसीटीव्ही कॅमेरात कैद झाली आहे. धुळे शहरातील वडजाई रोड गफुनगर परिसरात काल रात्री नऊ ते साडेनऊ वाजताच्या दरम्यान ही घटना घडली आहे.

चिमुकल्यासह इतर मुलं देखील यावेळी खेळत होती. या चिमुकल्याने विजेच्या खांबाला हात लावला असता त्याला विजेचा जबरदस्त धक्का बसला. यात त्याचा दुर्दैवी मृत्यू झाला आहे. अर्शद अहमद अशपाक मोमीन (वय आठ वर्ष) असे मृत्यू झालेल्या मुलाचे नाव आहे.हृदय पिळवटून टाकणाऱ्या या धक्कादायक घटनेमुळे परिसरात एकच खळबळ उडाली, वीज वितरण विभागाच्या गलथान कारभारामुळेच या बालकाचा मृत्यू झाला असल्याचा आरोप लावत स्थानिकांनी व नातेवाईकांनी संबंधित वीज वितरण अधिकाऱ्यावर कलम ३०२ चा गुन्हा दाखल करण्याची मागणी करत, संबंधित अधिकाऱ्यास तात्काळ निलंबित करण्यात यावे अशी मागणी केली आहे.

विशेष म्हणजे परिसरामध्ये नेहमीच वीज वितरण विभागाच्या गलथन कारभारामुळे नागरिकांना विविध त्रासांना सामोरे जावे लागत असल्यामुळे, यापूर्वीच बहुतांश वेळा परिसरातील नागरिकांनी वीज वितरण कार्यालयामध्ये निवेदन देऊन समस्या सोडवण्या संदर्भात मागणी केलेली असताना, वीज वितरण विभागातर्फे जाणीवपूर्वक सर्व समस्यांकडे दुर्लक्ष केले जात होते.

वीज वितरण विभागाच्या याच दुर्लक्षितपणामुळे या चिमुकल्याचा दुर्दैवी मृत्यू झाला असून, यास कारणीभूत असलेल्या वीज वितरण विभागाच्या अधिकाऱ्यांवर या संदर्भात कठोरात कठोर कारवाई करावी, अन्यथा जनआंदोलन छेडण्याचा इशारा परिसरातील नागरिकांनी व नातेवाईकांनी वीज वितरण विभागाला दिला आहे.

News Mall18

It is a News Channel where you can get all types of news like we have generated some category like Breaking News, Story News, Live News, Political News, Social news, Impact News Explainer Videos, Digital News, Viral News, Advertise News, Interviews, Promotions, Presentation, Entertainment, Related Movie Trailers, PRO, Awards Etc.

Related Articles

Back to top button

Share this news instead of copying!