सततचे सार्वजनिक कार्यक्रम, आपणापर्यंत पोहोचण्यासाठी करावी लागणारी अविरत धावपळ आणि यावर्षीच्या तीव्र उष्णतेमुळे गेल्या काही दिवसांपासून माझी प्रकृती अस्वस्थ होती. त्यामुळे डॉक्टरांच्या सल्ल्यानुसार मला उपचारासाठी दवाखान्यात दाखल करण्यात आले होते. पुढील उपचार आणि रुटीन तपासण्यांसाठी आज मी पुणे येथील रुबी हॉल क्लिनिकमध्ये दाखल झालो आहे.

सद्यस्थितीत माझी प्रकृती स्थिर असून डॉक्टरांनी काही दिवस सक्तीची विश्रांती घेण्याचा सल्ला दिला आहे.

मी लवकरच पूर्णपणे बरा होऊन पुन्हा आपल्या सेवेत पूर्वीप्रमाणे कार्यरत होईन. आपल्या सदिच्छा, प्रेम आणि आशीर्वादाचे भक्कम बळ माझ्या पाठीशी असल्याने कुणीही चिंता करू नये.

आपल्या सर्वांच्या शुभेच्छांमुळे मी लवकरच नव्या उर्जेसह पुन्हा जनसेवेत सक्रिय होईन.

— निलेश लंके
खासदार, अहिल्यानगर

खासदार निलेश लंके पुढील उपचार आणि रुटीन तपासण्यांसाठी पुण्यातील रुबी हॉल क्लिनिकमध्ये दाखल

अहिल्यानगर : सततचे सार्वजनिक कार्यक्रम, कडाक्याच्या उन्हातील धावपळ आणि वाढलेल्या कामाच्या ताणामुळे प्रकृती अस्वस्थ जाणवू लागल्याने अहिल्यानगरचे खासदार निलेश लंके यांना पुढील उपचार आणि रुटीन तपासण्यांसाठी आज पुण्यातील रुबी हॉल क्लिनिकमध्ये दाखल करण्यात आले आहे.

गेल्या काही दिवसांपासून खासदार लंके यांची प्रकृती काहीशी नरम होती. खबरदारीचा उपाय म्हणून तसेच शरीरातील थकवा लक्षात घेता डॉक्टरांच्या सल्ल्यानुसार त्यांच्या काही रुटीन तपासण्या करण्यात येणार आहेत.

सद्यस्थितीत त्यांची प्रकृती स्थिर असून त्यांना काही दिवस सक्तीची विश्रांती घेण्याचा सल्ला देण्यात आला आहे.

आपल्या प्रकृतीबाबत माहिती देताना खासदार लंके म्हणाले,
“रुटीन तपासण्या आणि योग्य उपचारांनंतर मी लवकरच पुन्हा आपल्या सेवेत पूर्ण क्षमतेने उपस्थित राहीन. जनतेचे प्रेम, आशीर्वाद आणि सदिच्छा माझ्या पाठीशी आहेत. त्यामुळे कुणीही काळजी करू नये.”

उपचार आणि विश्रांतीनंतर खासदार निलेश लंके लवकरच पुन्हा अहिल्यानगरमध्ये सक्रिय होतील, अशी माहिती त्यांच्या कार्यालयामार्फत देण्यात आली आहे.

प्रशासनाकडून सातत्याने अडचणी निर्माण केल्या जात असून, विरोधकांच्या दबावाखाली कारवाया केल्या जात असल्याचा आरोप नागरिक करत आहेत. या सगळ्याचा कळस म्हणजे शिवसेना नेते जिल्हाध्यक्ष अनिल शिंदे यांच्याकडे धाड टाकण्यात आली, ते हृदयविकाराच्या झटक्यामुळे रुग्णालयात उपचार घेत असताना, दुसरीकडे जाधव कुटुंबीयांवर मारहाणीच्या घटनांची मालिका सुरू राहिली.

दरम्यान, प्रतिस्पर्धी विरोधकांनी सुवर्णा जाधव यांच्या मुलाला एकट्यात गाठून अमानुष मारहाण केली. या हल्ल्यात अभिषेक दळवी हा तरुण गंभीर जखमी झाला असून, त्याच्या संपूर्ण शरीरावर मुका माराचे खोल घाव आहेत. तो रक्तभंबाळ अवस्थेत रुग्णालयात दाखल असून त्याची प्रकृती चिंताजनक आहे. हा प्रकार पाहता हा साधा वाद नसून निवडणुकीत दहशत निर्माण करण्याचा उघड प्रयत्न असल्याचे स्पष्ट होत आहे.

धक्कादायक बाब म्हणजे, पंधरा दिवसांपूर्वीच जाधव कुटुंबीयांनी लेखी स्वरूपात प्रशासनाला कळवले होते की आमच्या कुटुंबीयांच्या जीविताला धोका आहे. तरीही कोणतीही सुरक्षा देण्यात आली नाही. आता तर परिस्थिती आणखी गंभीर झाली आहे. जखमी असतानाही पोलीस प्रशासन तक्रार दाखल करून घेण्यास तयार नाही.

➡️ गेल्या तब्बल 4 तासांपासून जाधव कुटुंबीय कोतवाली पोलीस स्टेशनमध्ये न्यायाच्या प्रतीक्षेत ठाण मांडून बसले आहेत.
हा प्रकार म्हणजे,
❓ पोलीस प्रशासनावर सत्ताधाऱ्यांचा दबाव आहे का?
❓ जखमींचा आवाज दाबण्याचा प्रयत्न सुरू आहे का?
❓ न्याय मागणाऱ्यांना पोलीस स्टेशनमध्ये तासन्तास बसवणे हीच का कायदा-सुव्यवस्था ?

निवडणुकीच्या काळात विरोधकांचा आवाज दाबण्यासाठी जर मारहाण, धमक्या आणि पोलिसी दुर्लक्षाचा वापर होत असेल, तर ही लोकशाही नसून दहशतीचे राज्य असल्याची भावना नागरिकांमध्ये तीव्र होत आहे.
➡️ दोषींवर तात्काळ कठोर कारवाई व्हावी
➡️ जखमींची तक्रार त्वरित नोंदवावी
➡️ जाधव कुटुंबीयांना पोलीस संरक्षण द्यावे
➡️ निवडणूक प्रक्रियेत हस्तक्षेप करणाऱ्यांवर कारवाई करावी
अशी जोरदार मागणी करण्यात येत आहे.

सर्वोच्च न्यायालयाचा निर्णय आणि त्याचा शिक्षकांवर परिणाम झाला आहे. त्यांना १ सप्टेंबर २०२७ पर्यंत टीईटी उत्तीर्ण करणे अनिवार्य करण्यात आले आहे. सर्वोच्च न्यायालयाने दिलेल्या निर्णयानुसार, देशातील सर्व प्राथमिक शिक्षकांना १ सप्टेंबर २०२७ पूर्वी टीईटी उत्तीर्ण करणे बंधनकारक करण्यात आले आहे.

खासदार लंके यांनी मंत्री प्रधान यांना दिलेल्या निवेदनात नमूद केले आहे की, “हा निर्णय लाखो शिक्षकांवर थेट परिणाम करणारा असून, त्यांच्या नोकरीच्या सुरक्षिततेचा प्रश्न निर्माण करणारा आहे.” लंके यांनी स्पष्ट केले की, अनेक प्राथमिक शिक्षकांनी आपापल्या नियुक्तीच्या वेळी शासनाने ठरविलेल्या सर्व शैक्षणिक आणि प्रशिक्षण पात्रता पूर्ण केलेल्या आहेत. तसेच त्या काळातील आवश्यक प्रवेश परीक्षा उत्तीर्ण केल्यावरच त्यांची नियुक्ती झाली आहे. त्यामुळे एनसीटीईने टीईटीची अट लागू करण्यापूर्वी नियुक्त झालेल्या शिक्षकांवर नंतरचे नियम लादणे योग्य नाही, असे मत त्यांनी नोंदविले.

सरकारने न्याय्य तोडगा काढावा : खा लंके यांनी आरटीई कायद्याच्या कलम २३(२) मधील सुधारणा करून टीईटीबाबतची अट पूर्वलक्षी प्रभावाने लागू न करण्याची मागणी केली आहे. त्यांच्या पत्रात नमूद आहे की, “एनसीटीईची अधिसूचना लागू होण्यापूर्वी नियुक्त झालेल्या शिक्षकांना संरक्षण देण्यासाठी केंद्र सरकारने आवश्यक ते बदल करावेत, ही सर्व शिक्षक संघटनांची मागणी आहे.”

महानगरपालिकेच्या कारवाईनंतर मंदिर परिसरात तणावाचे वातावरण निर्माण झाले आहे. स्थानिकांच्या म्हणण्यानुसार, कारवाई करताना ना पूर्वसूचना देण्यात आली, ना मंदिर व्यवस्थापनाशी चर्चा करण्यात आली. त्यामुळे धार्मिक परंपरा आणि श्रद्धेचा अनादर झाल्याचा आरोप नागरिकांनी केला आहे.

घटनेनंतर खासदार निलेश लंके यांनी काल मंदिराला भेट देत मंदिर परिसराची पाहणी करून साधू–महंत व मंदिर व्यवस्थापनाशी समोरासमोर चर्चा केली. त्यांनी स्थानिक भक्तांच्या भूमिका व तक्रारींची माहिती समजून घेतली. भेटीदरम्यान त्यांनी झालेल्या कारवाईबद्दल गंभीर चिंता व्यक्त करत धार्मिक स्थळांवरची कोणतीही सरकारी पावले अतिशय संवेदनशीलतेने, पारदर्शकतेने आणि कायदेशीर चौकटीत होणे गरजेचे असल्याचे त्यांनी स्पष्टपणे सांगितले.

खासदार लंके यांनी मंदिर समितीला ठाम पाठिंबा दर्शवित पुढील पाऊल म्हणून केंद्र सरकारकडे लेखी निवेदन देणे, घटनेची चौकशी आणि न्याय मिळवण्यासाठी आवश्यक सर्व पावले उचलणे, धार्मिक भावना अबाधित ठेवण्यासाठी योग्य तो दबाव टाकणे यासाठी पुढाकार घेण्याचे आश्वासन दिले.

खासदारांच्या भेटीनंतर मंदिर परिसरात दिलासा व समाधान व्यक्त केले गेले. भक्तांनी “धार्मिक परंपरा, आस्था आणि सांस्कृतिक वारसा यांचा सन्मान राखावा” अशी ठाम मागणी पुन्हा अधोरेखित केली.

पुणे–अहिल्यानगर इंटरसिटी गाडी सुरू करण्याबाबत पूर्वी पाठवलेल्या प्रस्तावाची सद्यस्थिती कळविण्याची खासदारांनी मागणी केली आहे. या गाडीमुळे दोन्ही शहरांतील रोजगार, व्यवसाय आणि शिक्षणाच्या संधींना चालना मिळेल, असेही त्यांनी पत्रात नमूद केले आहे. अहिल्यानगर – चोंडी (जेउर–चोंडी) नवीन रेल्वे मार्गाचा प्रस्ताव गेल्या काही महिन्यांपासून प्रलंबित आहे. या प्रस्तावाच्या अभ्यास व निर्णय प्रक्रियेची स्थिती तत्काळ कळवावी, अशी लंके यांची विनंती आहे.

संभाजीनगर–अहिल्यानगर–पुणे नवीन रेल्वे लाईन या बहुप्रतिक्षित नव्या रेल्वे मार्गाबाबत वारंवार पाठपुरावा करूनही अद्याप स्पष्ट स्थिती मिळालेली नाही. मार्गाचा सर्वेक्षण, डीपीआर, मंजुरी प्रक्रिया आणि पुढील टप्पे कोणत्या अवस्थेत आहेत, हे कळवण्याची विनंती खासदारांनी केली आहे. श्रीरामपूर–परळी नवीन रेल्वे मार्ग या महत्वपूर्ण प्रस्तावावर रेल्वे मंत्रालयाने कोणता निर्णय घेतला आहे, हे तातडीने कळवावे, असे खासदारांनी म्हटले आहे.

राहुरी–शनिशिंगणापूर रेल्वे लाईन या मंजूर रेल्वे मार्गासाठी भू-अधिग्रहण प्रक्रिया लवकर सुरू व्हावी, अशी अपेक्षा व्यक्त करण्यात आली आहे. भूसंपादन कधी आणि कशा पद्धतीने होणार याबाबत माहिती देण्याची विनंती त्यांनी केली आहे. अहिल्यानगर स्थानकाजवळील एलसी क्र. ३० येथे आरओबी बांधकामाच्या प्रस्तावाची अद्ययावत स्थिती कळवावी, अशी मागणी खासदारांनी केली आहे. अपघातमुक्त वाहतुकीसाठी हा पूल अत्यावश्यक असल्याचे त्यांनी स्पष्ट केले आहे.

राहुरी तालुक्यातील बांबोरी येथे गेट क्रमांक ३५(ब) असलेल्या ठिकाणी आरओबी मंजूर झाल्याचे नमूद करून, काम सुरू होण्याची निश्चित तारीख कळवावी, अशी विनंती लंके यांनी केली आहे.

सुपा औद्योगिक परिसरात रेल्वे फ्रेट यार्ड

एमआयडीसीमधील वाढत्या औद्योगिक प्रकल्पांच्या पार्श्वभूमीवर फ्रेट यार्ड अत्यावश्यक असल्याचे लंके यांनी नमूद केले आहे. फ्रेट यार्ड उभारणीच्या प्रस्तावाची स्थिती आणि पुढील प्रक्रिया स्पष्ट करावी, अशी मागणीही पत्रातून केली आहे.

गुन्हे शोध पथकातील अंमलदार व पंच आयुर्वेद कॉलेज ते काटवण खंडोबा जाणारे रोडवर गाझीनगर चौक, अहिल्यानगर येथे जाऊन बातमीतील नमुद इसमाचा शोध घेतला असता आयुर्वेद कॉलेज ते काटवण खंडोबा जाणारे रोडवर गाझीनगर चौक, अहिल्यानगर एक इसम दिसुन आला त्यास जागीच पकडुन त्याचे नाव पत्ता विचारला असता त्याने त्याचे नाव सचिन हिंमत अवचिते वय – 21 वर्षे रा. मांदळी शीवार, ता. कर्जत जि. अहिल्यानगर असे असल्याचे सांगितले.

नमुद इसमाची पंचासमक्ष अंगझडती घेतली असता सदर इसमाच्या शर्टच्या पाठीमागील बाजुस पॅन्टमध्ये खोसलेली एक धारदार तलवार ४०००/- रु. किंमत अंमदाजे प्राणघातक हत्यार लोखंडी चकाकणारी तलवार वरच्या बाजुला काहीशी वक्राकार वळलेली असलेली मिळुन आली पोसई/ गणेश देशमुख यांनी पंचासमक्ष नमुद तलवार जप्त केली नमुद इसमास कारवाई कामी कोतवाली पोलीस स्टेशनला त्याच्या ताब्यात मिळालेल्या प्राणघातक हत्यार तलवारीसह आणण्यात आले असुन त्याचे विरुद्ध पोकॉ/ पोकॉ/ 1553 शीरीष बाळासाहेब तरटे यांचे फिर्यादी वरुन कोतवाली पोस्टे गुरनं 1060 / 2025 शस्त्र अधीनियम 1959 चे कलम 4/25 प्रमाणे गुन्हा दाखल करण्यात आलेला आहे. पुढील तपास पोहेकॉ / 109 डी. बी. दौड हे करीत आहेत.

सदरची कारवाई ही पोलीस अधिक्षक श्री. सोमनाथ धार्गे सो. अपर पोलीस अधिक्षक श्री.वैभव कलुबर्मे, सो.उपविभागीय पोलीस अधिकारी श्री. डॉ. दिलीप टिपरसे सो.यांचे मार्गदर्शनाखाली पोलीस निरीक्षक श्री. संभाजी गायकवाड, पोसई / गणेश देशमुख, पोहेकॉ / दौड, पोहेकॉ / वसिम पठाण, पोहेकॉ / विशाल दळवी, पोहेकॉ/ विनोद बोरगे पोना / वाघचौरे, सत्यम शिंदे, सचिन लोळगे, दत्तात्रय कोतकर, शिरीष तरटे, राम हंडाळ, यांच्या पथकाने केली आहे.

सौ. घोगरे म्हणाल्या, “आदरणीय बाळासाहेब थोरात साहेबांच्या नेतृत्वाखाली संगमनेर तालुक्यात सहकार क्षेत्रातील सर्व संस्थांनी दिवाळीपूर्वी सभासद, कामगार आणि शेतकऱ्यांच्या खात्यात तब्बल ₹१०२ कोटींचा लाभ दिला. राजहंस दूध संघ, साखर कारखाना, पतसंस्था, शेतकी संघ आणि अमृत उद्योग समूहाने एकत्र येऊन जनतेच्या हातात समृद्धीचा दिवा पेटवला. हेच थोरात साहेबांच्या सहकार आणि जनसेवेचे खरे यश आहे.”

पण राहाता तालुक्यात मात्र काळोखी दिवाळी असल्याचे त्यांनी अधोरेखित केले. “मंत्री राधाकृष्ण विखे पाटील यांच्या तालुक्यात कामगारांना वेळेवर पगार नाही, पाहिजे असा बोनस नाही, उसाच्या पेमेंटचा दुसरा हप्ता थांबलेला आहे. प्रवरा दूध संघ मोडीत निघाला, शेतकरी अडचणीत आहेत, आणि कामगार वर्ग निराश आहे. सत्ताधारी फक्त जाहिराती करतात, पण जनतेच्या हाती अंधारच आहे,” असा घणाघात त्यांनी केला.

त्या पुढे त्यांनी सांगितले, “संगमनेर तालुका सहकार, शिक्षण आणि शेतीच्या बळावर प्रगतीच्या शिखरावर आहे, तर राहाता तालुक्यात सत्ताधाऱ्यांच्या दुर्लक्षामुळे शेतकरी आजही कर्जबाजारी आणि हतबल आहेत. दिवाळीत दिवे पेटवले पाहिजेत, पण इथे अंधार वाढतो आहे. जनतेने आता ही लाचारी सोडून लढ्याची ज्योत पेटवली पाहिजे.”

सौ. प्रभावती घोगरे यांच्या या वक्तव्यानंतर राजकीय वर्तुळात खळबळ उडाली असून, शेतकरी, कामगार आणि सर्वसामान्य जनतेच्या समस्या अधोरेखित करत त्यांनी पुन्हा एकदा आपली संघर्षशील भूमिका ठळकपणे मांडली आहे.

या पार्श्वभूमीवर महाराष्ट्र प्रदेश काँग्रेस कमिटीच्या सरचिटणीस सौ. प्रभावती जनार्दन घोगरे यांनी राहाता तहसीलदार यांना निवेदन सादर केले. निवेदनात त्यांनी मागणी केली आहे की तालुक्यात त्वरित ओला दुष्काळ जाहीर करून सर्व नुकसानग्रस्त शेतकऱ्यांना भरीव आर्थिक मदत व नुकसानभरपाई कोणत्याही अटीशर्तीशिवाय थेट खात्यात जमा करावी. तसेच नुकसानग्रस्त पिकांचे पंचनामे तातडीने करून मदत प्रत्यक्ष शेतकऱ्यांपर्यंत पोहोचवावी. शेतकऱ्यांना दिलासा मिळावा यासाठी कर्जमाफी, वीजबिल माफी आणि थकलेली अनुदाने तातडीने वाटप करावीत. याशिवाय शेतकऱ्यांच्या मुला–मुलींच्या शालेय शिक्षणाची संपूर्ण फी माफ करावी आणि सर्व शेतकऱ्यांना पूर्ण कर्जमाफी जाहीर करावी, अशी मागणी त्यांनी स्पष्टपणे मांडली.

सौ. घोगरे म्हणाल्या, “शेतकरी कर्ज, वीजबिलाच्या ओझ्याखाली दबले असून मदतीशिवाय त्यांच्यासमोर पर्याय उरलेला नाही. उभ्या पिकांवर साचलेले पाणी शेतकऱ्यांच्या मेहनतीला वळण देऊन संपूर्ण नुकसान करून गेले आहे. ‘शेतकरी सुखी तर देश सुखी’ ही घोषणा फक्त कागदावर न राहता शासनाच्या ठोस निर्णयातून प्रत्यक्षात दिसावी.” त्यांनी प्रशासनाला तातडीने कारवाई करण्याचे आवाहन केले.

सौ. घोगरेच्या म्हणण्यानुसार, आता शेतकऱ्यांसाठी त्वरित आर्थिक मदत, नुकसानभरपाई, कर्जमाफी, वीजबिल माफी आणि थकलेली अनुदाने वितरण करण्याव्यतिरिक्त शालेय शिक्षणासाठीचे आर्थिक भार कमी करणे अनिवार्य आहे, नाहीतर शेतकरी जीवनावर गंभीर परिणाम होऊ शकतो. “शेतकरी सुरक्षित नाही तर देशाचा अन्नसुरक्षिततेवर देखील प्रश्न निर्माण होतो,” अशा आशयाचे त्यांनी शासनाकडे आवाहन केले.

या गंभीर प्रकाराची जबाबदारी ठेकेदार व संबंधित अधिकाऱ्यांवर निश्चित करीत झालेल्या नुकसानीची भरपाई वसूल करण्याची मागणी खासदार निलेश लंके यांनी केली आहे. सोमवारी त्यांनी प्रत्यक्ष जागेची पाहणी करत अधिकाऱ्यांना व ठेकेदार प्रतिनिधींना धारेवर धरले.

पाहणीवेळी माजी महापौर अभिषेक कळमकर, माजी नगरसेवक योगीराज गाडे, तसेच अन्य स्थानिक कार्यकर्ते व नागरिक उपस्थित होते. खा. लंके यांनी काम योग्य पद्धतीने करण्याच्या स्पष्ट सूचना दिल्या.

सीना नदी पुलाचे काम सुरू होऊन २१ महिने उलटले तरी अद्याप पूर्ण झालेले नाही. कामाची मुदत संपली असून जुना पूल धोकादायक स्थितीत आहे. नव्या पुलाच्या कामातील दिरंगाईमुळे वाहतूक कोंडी, रूग्णवाहिका व शालेय बसेस यांना अडथळा निर्माण होत आहे.

सततच्या पावसामुळे जुन्या पुलावर पाणी साचून अपघाताचा धोका वाढला आहे. या परिस्थितीवर तोडगा न काढल्यास हा विषय संसदेत उपस्थित करून उच्चस्तरीय चौकशीची मागणी केली जाईल, असा इशारा खा. लंके यांनी दिला आहे.