सोयगाव, दि.११…सोयगावचे न्यायमंदिर हे विधिज्ञ विभागातील इतिहासाची साक्ष देणारे न्याय मंदिर ठरणार आहे सर्वसामान्यांना या ठिकाणी न्यायदानाचे पवित्र काम होणार आहे त्यासाठी या वास्तूचे काम करणाऱ्या सार्वजनिक बांधकाम विभागाने या वास्तूला केवळ दगड धोंड्याची इमारत समजून काम न करता न्यायमंदिराचे काम करत असल्याचे भान ठेवावे असा उपदेश  न्यायमूर्ती रवींद्र घुगे (उच्च न्यायालय मुंबई ) यांनी शनिवारी( दि.११) सार्वजनिक विभागाला दिला आहे

सोयगाव न्यायालयाच्या नूतन इमारतीच्या भूमिपूजन व कोणशीला समारंभ मुंबई उच्च न्यायालयाचे न्यायमूर्ती रवींद्र घुगे यांच्या हस्ते करण्यात आला यावेळी ते बोलत होते बोलताना त्यांनी विधिज्ञ मंडळींनाही न्याय व्यवस्थेच्या कामाचे धडे दिले ग्रामीण भागातील पक्षकार हा मुंबईच्या पक्षकारांपेक्षा श्रेष्ठ असतो त्याच्यासाठी पुण्याचे काम करा असे त्यांनी आवर्जून सांगितले वकिलांनी बाजू मांडताना न्यायधीशाला आनंद झाला पाहिजे त्यातून पक्षकारांना समाधान लाभते असे त्यांनी सांगितले.

यावेळी व्यासपीठावर संजय देशमुख(न्यायमूर्ती उच्च न्यायालय मुंबई)  वाय जि खोब्रागडे(न्यायमूर्ती उच्च न्यायालय मुंबई) श्रीमती विभा इंगळे(जिल्हा व सत्र न्यायाधीश छत्रपती संभाजीनगर) अमोल इंगोले (दिवाणी न्यायाधीश कनिष्ठ स्तर सीयगाव) ऍड राजेश गिरी (अध्यक्ष तालुका विधिज्ञ संघ) आदींची व्यासपीठावर उपस्थिती होती यावेळी मान्यवरांच्या वृक्ष देऊन सत्कार करण्यात आला तालुका विधिज्ञ संघाचे अध्यक्ष ऍड राजेश गिरी यांनी तालुका विधिज्ञ संघाच्या वतीने सत्कार केला.

यावेळी प्रास्ताविक ऍड राजेश गिरी यांनी  केले सूत्रसंचालन उज्वला मुसळे सपाटे यांनी केले यावेळी कार्यक्रमासाठी डी एस केळुसकर, सिल्लोडचे कनिष्ठ स्तर दुसरे न्यायाधीश ए बी बिरादार राजेंद्र तुवर,ऍड धर्मराज सूर्यवंशी, ऍड योगेश जावळे,ऍड सचिन गिरी,ऍड अंबादास जाधव, ऍड सारंग देशमुख ऍड पी एम चौधरी,ऍड. सतीश सुर्यवंशी आदींसह न्यायिक अधिकारी(छत्रपती संभाजीनगर, सिल्लोड,सोयगाव न्यायालय) जिल्ह्यातील विधिज्ञ व न्यायालयीन कर्मचारी आदींची उपस्थिती होती. आभार सोयगावचे न्यायाधीश अमोल इंगोले यांनी मानले.

फर्दापूर, अजिंठा येथील नूतन पोलीस स्टेशनच्या कामाला लवकरच होणार सुरुवात – कृषीमंत्री अब्दुल सत्तार

फर्दापूर येथे उभारण्यात येणार पोलीस वसाहत.

वाढत्या गुन्हेगारीला आळा बसावा तसेच तपास कामासाठी पोलीसांना अद्यावत सोयी मिळाव्यात यासाठी राज्यातील पोलीस स्टेशन हायटेक व सुसज्ज करण्यावर मुख्यमंत्री एकनाथराव शिंदे, उपमुख्यमंत्री देवेंद्रजी फडणवीस यांचा भर असून येत्या काळात पोलिसांना सर्वाधिक सुविधा देणारे महाराष्ट्र हे देशातील एकमेव राज्य असेल असे प्रतिपादन कृषिमंत्री ना. अब्दुल सत्तार यांनी सोयगाव येथील नूतन पोलीस स्टेशन इमारत बांधकाम शुभारंभ प्रसंगी केले.

जवळपास 200 कोटी रुपयांच्या निधीतून तालुक्यातील विविध प्रशासकीय इमारती उभारल्या जात आहे. मात्र सोयगाव येथील पोलीस स्टेशन ईमारत उभारण्याचा मनस्वी आनंद होत असल्याची भावना मंत्री अब्दुल सत्तार यांनी व्यक्त केली.

आज रविवार ( दि.12 ) रोजी सोयगाव पोलीस स्टेशन नूतन इमारत बांधकामाचा शुभारंभ मंत्री अब्दुल सत्तार यांच्याहस्ते पार पडला. यावेळी व्यासपीठावर छत्रपती संभाजीनगर परिक्षेत्राचे विशेष पोलीस महानिरीक्षक के एम मल्लिकार्जुन प्रसन्ना, पोलीस अधीक्षक मनीष कलवानिया, अप्पर पोलीस अधीक्षक सुनील लांजेवार, उपविभागीय पोलीस अधिकारी विजयकुमार मराठे, जिल्हा बँकेचे उपाध्याय अर्जुन पा. गाढे,  एपीआय सुदाम सिरसाट, नगराध्यक्षा श्रीमती आशाबी तडवी, तहसीलदार रमेश जसवंत, गटविकास अधिकारी प्रदीप नाईक, शिवसेना तालुकाप्रमुख प्रभाकर काळे, नॅशनल सुत गिरणीचे संचालक राजेंद्र ठोंबरे, सतीश ताठे, आमखेडा सरपंच गजानन ढगे, माजी जि.प. सदस्य गोपीचंद जाधव, शिवसेना शहरप्रमुख संतोष बोडखे, धृपताबाई सोनवणे, सुरेखा तायडे आदींची उपस्थिती होती.

फर्दापूर आणि अजिंठा येथील पोलीस स्टेशन इमारत बांधकामाला देखील लवकरच सुरूवात होणार असल्याची माहिती कृषिमंत्री अब्दुल सत्तार यांनी आपल्या भाषणात दिली. सोयगाव तालुक्यातील सावळदबारा, बनोटी व  सिल्लोड तालुक्यातील आमठाणा येथील पोलीस चौकी उभारण्या संदर्भात तातडीने प्रस्ताव सादर करावे यासाठी निधी मिळवून देऊ अशी ग्वाही मंत्री अब्दुल सत्तार यांनी दिली.

उपमुख्यमंत्री देवेंद्रजी फडणवीस यांचा मतदारसंघात येत्या काही दिवसात दौरा असल्याची माहिती यावेळी मंत्री अब्दुल सत्तार यांनी दिली. यावेळी मतदारसंघातील पोलीस विभागाशी निगडित सर्व विषय मार्गी लागतील असा विश्वास ना.अब्दुल सत्तार यांनी व्यक्त केला.

सोयगाव पोलीस स्टेशनचे कामकाज गेल्या 50 वर्षांपासून भाड्याच्या अतिशय कमी जागेत चालू होते. काम करायला पोलिसांचा उत्साह दिसून येत नव्हता, कृषिमंत्री अब्दुल सत्तार यांच्या पाठपुराव्यातून सोयगाव येथे उभारण्यात येणारी नूतन इमारत ही सर्व सोयींनी पूर्ण असेल, आता पोलिसांना येथे काम करतांना उत्साह वाढेल असा विश्वास पोलीस अधीक्षक मनिष कलवानिया यांनी व्यक्त केला.

दोन वर्षांपूर्वी सोयगाव पोलीस स्टेशन ला भेट दिली होती. त्यावेळी येथील परिस्थिती पाहून येथे नवीन पोलीस स्टेशनची नितांत गरज असल्याचे दिसून आले. प्रस्ताव शासनास सादर केल्यानंतर निधीसाठी मंत्री अब्दुल सत्तार यांनी पुढाकार घेतला. त्यासोबतच पोलीस हाऊसिंग बोर्डाकडे देखील त्यांनी पाठपुरावा केला त्यामुळे प्राधान्याने या कामाला सुरुवात झाली. असे विशेष पोलीस महानिरीक्षक श्री प्रसन्ना म्हणाले. या कामाबाबत आभार व्यक्त करीत श्री. प्रसन्ना यांनी फर्दापूर पोलीस वसाहत व पोलीस ठाण्यासाठी निधी उपलब्ध करून देण्याची मागणी केली.

या इमारत बांधकाम साठी 4 कोटी 50 लाख रुपयांचा निधी मंजूर झाला असून यातून सर्वसोयींनी पूर्ण एक वर्षात दोन मजली इमारत उभी राहणार आहे.

कार्यक्रमास न.प. तील शिवसेना गटनेता अक्षय काळे,नगरसेवक भगवान जोहरे,संदीप सुरडकर, गजानन कुडके, अशोक खेडकर,लतिफ शहा, तसेच कदीर शहा, विष्णू इंगळे, किशोर मापारी, राजू दुतोंडे, रउफ शेख, राजेंद्र घनघाव, बाबू ठेकेदार, सलीम पठाण, सिराज पठाण, श्रीराम चौधरी, राधेश्याम जाधव, सांडू मानसिंग,भरत राठोड, हिरा चव्हाण,रमेश गव्हाडे, कुणाल राजपूत,संजय आगे, फिरोज पठाण, भारत तायडे,आदींची उपस्थिती होती.

कै.बाबुरावजी काळे मराठी स्कूल मध्ये शुक्रवार (दि.१७) रोजी शालेय विद्यार्थ्यांचे 10 वे वार्षिक स्नेहसंमेलन” उत्साहात पार पडले या वार्षिक स्नेहसंमेलनाचे उद्घाटक व प्रतिमापुजन दिपप्रज्वलन सोयगाव पोलीस स्टेशन चे पोलीस निरिक्षक श्री अनमोल केदार कार्यक्रमाचे अध्यक्ष संत ज्ञानेश्वर महाविद्यालयाचे प्रभारी प्राचार्य डॉ.शिरिष पवार तर प्रमुख उपस्थिती मध्ये राष्ट्रवादी काँग्रेस चे शहर अध्यक्ष रवींद्र काळे, कृष्णा पाटील, ज्ञानज्योती शिक्षणशास्त्र महाविद्यालयाचे प्राचार्य डॉ राजेश यादव संत ज्ञानेश्वर महाविद्यालयाचे उपप्राचार्य डॉ रावसाहेब बारोटे डॉ प्राध्यापक दादासाहेब पवार शाळेचे मुख्याध्यापक ज्ञानेश्वर एलीस ,व्यवस्थापक एकनाथ कोलते यांच्या रविंद्र जाधव यांच्या हस्ते करण्यात आले.

या स्नेहसंमेलनात पालकांना व विद्यार्थ्यांना केदार साहेब यांनी विद्यार्थ्यांना सांगितले की, तुमचे ध्येय व तुमच्या अंगी असणारे सुप्त गुण हे महाराष्ट्रात चमकले पाहिजे असे मार्गदर्शन केले .कार्यक्रमात इ.ज्यु.केजी ते नववी पर्यंत च्या विद्यार्थांनी देवा श्री गणेशा, गाडी घुंगराची , शिवाजी महाराज यांचा पोवाडा, देशभक्ती गीत व नाटीका , बेटी बचाव , बेटी पढाव ,सुंदर अशा गीतांवर विद्यार्थ्यांनी ठेका धरला होता

या स्नेहसंमेलनाचे सुत्रसंचालन शालेय विद्यार्थींनींनी केले, तर कार्यक्रमाचे प्रास्ताविक शाळेचे मुख्याध्यापक ज्ञानेश्वर एलीस यांनी केले या कार्यक्रमासाठी पालक, बंधु, भगीनी, प्रतिष्ठीत नागरिक, आदी मोठ्या संख्येने उपस्थित होते. या कार्यक्रमासाठी शाळेतील शिक्षक अंजली कथलकर, शितल काटोले,योगेश काळे, मनिषा पाटिल, जयश्री श्रीवास्तव, शितल पवार आशा पंडित,प्रणय कुलकर्णी, विद्या पाटिल, नम्रता पाटिल, नलिनी पाटील, रोहिणी पाटील ,प्रेरणा मोरे,या स्नेहसंमेलनाचे सुत्रसंचालन शितल पवार यांनी केले तर आभार प्रेरणा मोरे यांनी मानले.

संभाजीनगर दि 17.
उच्च माध्यमिक प्रमाणपत्र परीक्षा 21 फेब्रुवारी तर माध्यमिक शालांत प्रमाणपत्र परीक्षा 2 मार्च पासून सुरू होत आहेत. या कालावधीत परीक्षा केंद्रांवर होणारे गैरप्रकार रोखण्यासाठी व विद्यार्थ्यांनी भयमुक्त वातावरणात परीक्षा देण्यासाठी संबंधित यंत्रणांनी कॉपीमुक्त अभियानाची प्रभावीपणे अंमलबजावणी करण्याचे निर्देश जिल्हाधिकारी आस्तिक कुमार पांडेय यांनी दिले.

उच्च माध्यमिक प्रमाणपत्र परीक्षा व माध्यमिक शालांत प्रमाणपत्र परीक्षा कॉपी मुक्त वातावरणात पार पडावी यादृष्टिने पूर्व तयारी आढावा बैठक आज जिल्हाधिकारी आस्तिक कुमार पांडेय यांच्या अध्यक्षतेखाली झाली. या बैठकीत ते बोलत होते. यावेळी निवासी उपजिल्हाधिकारी आप्पासाहेब शिंदे, शिक्षणाधिकारी श्री देखमुख, पोलिस उपायुक्त अपर्णा गित्ते आदी उपस्थित होते.

कॉपीमुक्त वातावरणात विद्यार्थ्यांना परीक्षा देता यावी यासाठी सर्व संबंधीत परीक्षा केंद्र संचालकांनी योग्य ती खबरदारी घेतली पाहिजे. सीसीटीव्ही सारख्या आधुनिक तंत्रज्ञानाचा वापर त्या-त्या परीक्षा केंद्रावर व्हायला हवा. परीक्षा देणाऱ्या प्रत्येक विद्यार्थ्यांना परीक्षा केंद्रावर आल्यावर अधिक आश्वासक वातावरण देण्याचा त्या-त्या परीक्षा केंद्राने प्रयत्न केला पाहिजे, असे जिल्हाधिकारी आस्तिक कुमार पांडेय यांनी सांगितले.

महत्वाचे मुद्दे

1. औरंगाबाद जिल्ह्यात इ. 12 वी साठी एकूण 157 परीक्षा केंद्रावर 60,425 विद्यार्थी परीक्षेस प्रविष्ठ होणार आहेत.
2. इ.10 वी साठी एकूण 227 परीक्षा केंद्रावर 64,919 विद्यार्थी परीक्षेस प्रविष्ट होणार आहेत.
   2.सदर परीक्षेच्या पूर्व तयारी म्हणून शाळा स्तरावर पालकांच्या बैठका घेण्यात आलेल्या आहेत. तसेच आज दुपारी संत एकनाथ रंगमंदिर येथे जिल्ह्यातील सर्व परीक्षा केंद्र असलेल्या शाळांचे संस्थांचे प्रमुख/ प्रतिनिधी व केंद्रावरील केंद्र संचालक यांची संयुक्त कार्यशाळा आयोजित करण्यात आलेली आहे.
3. पोलीस बंदोबस्त :-
4. परीक्षा केंद्राच्या 50 मिटरच्या आत अनाधिकृत व्यक्तिांना प्रवेश नाही.
5. परीक्षा केंद्रावर कलम 144 अंतर्गत प्रतिबंधात्मक आदेश देण्यात आलेल आहेत.
6. 100 टक्के विद्यार्थ्यांची परीक्षा केंद्र प्रवेशावेळी झडती घेण्यात येणार आहे.
7. पोलीस पाटील, कोतवाल व शाळेच्या कर्मचाऱ्यांकडून मुलांची तपासणी व अंगणवाडी सेविका, मदतनीस व शाळेंच्या महिला कर्मचाऱ्यांकडून मुलींची तपासणी करण्यात येणार आहे.

बैठी पथके :-

1. सर्व परीक्षा केंद्रावर बैठे पथके परीक्षा आधी एक तास ते परीक्षेनंतर एक तास (उत्तर पत्रिका ताब्यात घेई पर्यंत) उपस्थित राहतील.
   5.भरारी पथके :-
2. शिक्षण विभागाची 06 भरारी पथके परीक्षा केंद्राना भेटी देण्यासाठी स्थापन करण्यात आलेली आहेत.
3. महसुल विभागाची 10 पथके परीक्षा केंद्रावर भेटी देण्यासाठी स्थापन केलेली आहे.
4. मुख्य कार्यकारी अधिकारी यांनी तालुका निहाय संपर्क अधिकारी म्हणून खाते प्रमुखांच्या नेमणुका केलेल्या आहेत.
5. परीक्षा केंद्रावर जिल्हाधिकारी,पोलीस अधीक्षक व मुख्य कार्यकारी अधिकारी यांनी भेटी देण्याचे नियोजन करण्यात आलेले आहे.
   उच्च माध्यमिक प्रमाणपत्र (इ.12वी) व माध्यमिक शालान्त प्रमाणपत्र (इ.10वी) परीक्षा फेब्रुवारी/मार्च 2023
   1) 12 वी परीक्षा- कालावधी 21 फेब्रुवारी ते 21 मार्च
   परीक्षा केंद्रांची संख्या -157
   परीक्षेस प्रविष्ट विद्यार्थी संख्या -60425
   परीक्षकांची संख्या -21
   2) 10 वी परीक्षा कालावधी 2 मार्च ते 25 मार्च
   परीक्षा केंद्राची संख्या -227
   परीक्षेस प्रविष्ट विद्यार्थी संख्या -64919
   परीक्षकांची संख्या -21

विजय चौधरी-औरंगाबाद प्रतिनिधी

आपल्या दिनचर्येतील वर्षातील 365 दिवस कामगारांच्या हक्का साठी लढणारे ऑल इंडिया स्टुडंट्स फेडरेशन (AISF) चे राष्ट्रीय माजी सेक्रेटरी ,भारतीय कम्युनिस्ट पक्षाचे जिल्हा सहसचिव, शहिद भगतसिंग हाॅकर्स युनियनचे संस्थापक अध्यक्ष, महाराष्ट्र कामगार कर्मचारी संघटनेचे संस्थापक सचिव, तथा भिमशक्ती रोजंदारी कर्मचारी युनियनचे विधी सल्लागार भारतीय कम्युनिस्ट पक्षाचे शहर सचिव, कॉ ऍड अभय टाकसाळ यांनी आपल्या 47 व्या वाढदिवशीही रांजणगाव फाटा येथे येत कामगारांसाठी लढण्याचा निर्धार घेऊन वाढदिवस साजरा केला.

कामगारांवर सध्या आलेल्या परिस्थितीला सरकार कारणीभूत असून. जर परिस्थिती बदलायची असेल तर भांडवलदारांचे सरकार बदलून गरीब, मजूर , शोषित, वंचित, कामगार धोरणे सरकार आणावे लागेल व त्यासाठी डॉ बाबासाहेब आंबेडकरांनी आपल्या दिलेल्या मतदानाच्या हक्काचा योग्य वापर करावा लागेल असे यावेळी ते बोलत होते. कामगारांवर होणाऱ्या अन्यायाला रोखण्यासाठी जास्तीत जास्त संख्येने संघटनेत सहभागी होऊन संघटना मजबूत करण्याचे आवाहनही यावेळी त्यांनी केले.

यावेळी तालुका सह सचिव रतन अंबिलवादे, भालचंद्र चौधरी, विठ्ठल त्रिभुवन, ऑल मराठवाडा कामगार युनियन रांजणगाव युनिट (संलग्न आयटक) चे अध्यक्ष योगेश गरड, उपाध्यक्ष सतीश महापुरे, सचिव अमोल सरवदे ,सहसचिव अनिल ठाकरे, कोषाध्यक्ष राहुल सरोदे सदस्य गोपाल लखवाल सचिन दुबिले प्रदीप थोरात संदीप जमधडे, विकास गाईकवाड, पोपट कापसे, सलीम शेख, शिवाजी भालेराव व ईतर पदाधिकारी व कामगार मोठ्या संख्येने उपस्थित होते.

सोयगाव प्रतिनिधी.दि.१० तालुक्यातील सावळदबारा प्राथमिक आरोग्य केंद्रात ६५ बालकाची आरोग्य तपासणी करून त्यांना मोफत औषधी वाटप करण्यात आली.

येथील संजय शहापूरकर यांनी सुरू केलेल्या कुपोषण मुक्त अभियानाची सुरुवात सावळदबारा येथे झाली याप्रसंगी संजय शहापूरकर यांनी सांगितले की अखिल भारतीय केमिस्ट अँड ड्रगिस्ट या संघटनेचे अध्यक्ष जगन्नाथजी शिंदे यांच्या सहकार्याने तालुक्यात या अभियानासाठी मोफत औषधी देणार आहे

आज सावळदबारा येथील आरोग्य केंद्रात या शिबिराचे उद्घाटन तालुका आरोग्य अधिकारी डॉ विलास राजपूत यांनी केले त्यानंतर डॉ सचिन चंद्रे व डॉ काटोले यांनी बालकाची आरोग्य तपासणी केली त्यांनतर कमी वजन असलेल्या बालकांना मोफत औषधी वाटप करण्यात आली या प्रसंगी डॉ. विलास राजपूत डॉ सचिन डॉ काटोले विकास मापारी शेख सिस्टर अंगणवाडी सेविका लता हत्तेकर राठोड सुनीता खरे सोमासे शुभम खरे यांच्या सह अंगणवाडी सेविका मदतनीस व आरोग्य कर्मचारी उपस्थित होते

सोयगाव तालुक्यातील अत्यंत महत्वाचे समजल्या जाणाऱ्या सावळतबारा गावच्या सरपंच पदी कृषिमंत्री अब्दुल सत्तार समर्थक शिवगंगा शिवप्पा चोपडे यांची निवड झाली आहे. या निवडीनंतर बाळासाहेबांची शिवसेनेच्या वतीने गावात जल्लोष करण्यात आला.

आज दिनांक 10 फेब्रुवारी 2023 वार शुक्रवार रोजी सावळदबारा ग्रामपंचायत सरपंच पदाची निवड प्रक्रिया होती. सकाळी दहा ते बारा पर्यंत उमेदवारी अर्ज भरणे , बारा ते एक पर्यंत छाननी, एक ते दोन पर्यंत माघार व दुपारी दोन वाजता सरपंच पदासाठी विशेष सभेचे आयोजन करण्यात आले होते. यावेळी सरपंच पदासाठी शिवगंगा शिवाप्पा चोपडे ,ज्योती विनोद टिकारे, मीनाक्षी सुनील या तिघांनी उमेदवारी अर्ज दाखल केले . यामध्ये दुपारी दोन वाजता निवडणूक प्रक्रिया सुरू झाली. कृषिमंत्री अब्दुल सत्तार समर्थक शिवगंगा शिवप्पा चोपडे यांना सहा मते मिळाल्याने त्यांना विजय घोषित करण्यात आले. ज्योती विनोद टिकारे यांना चार तर मते पडली तर मीनाक्षी शिप्पलकर यांचे मत बाद झाले.

या निवडीसाठी उपसरपंच मोहम्मद आरिफ लुखमान, ग्रामपंचायत सदस्य मोहन सुरडकर, संदीप सूर्यवंशी, सैनाज तडवी, तायराबी शेख हे उपस्थित होते. शिवगंगा चोपडे यांची सरपंच पदी निवड होताच बाळासाहेबांची शिवसेनेच्या वतीने जल्लोष करण्यात आला. यावेळी बाजार समितीचे माजी सभापती शिवाप्पा चोपडे , माजी सरपंच लोकमान शेठ , माजी सरपंच दारासिंग चव्हाण , माजी सभापती सांडूभाऊ तडवी , घाणेगाव सरपंच सुरेश चव्हाण, मोलखेडा सरपंच ज्ञानेश्वर वारंगणे, उपसरपंच गुलाब राणा , कैलास शेळके, टीटवी सरपंच भागवत जाधव, कनीराम भाऊ, ढाबा सरपंच राहुल हिल्लोडे, ग्रामपंचायतचे रामेश्वर भाऊ, ईश्वर शेळके, पिंपळवाडी सरपंच गंगाधर सदाशिव, उपसरपंच कैलास मुळे, माजी सरपंच मैताप तडवी, माजी सरपंच किसन सूर्यवंशी , मा.चेअरमन पंजाबराव देशमुख , माजी सरपंच मोहम्मद फिरोज ,मोहम्मद लुखमान, निलेश आप्पा चोपडे , मुकुंदा मानकर ,अशोक देशमुख , प्राची तडवी , फिरोज खा शेख गफार, भीमा शेळके, अमजद तडवी ,अनिल पाटील ,विजय कुली , प्रमोद साखरे, भास्कर पाटील , संजय देशमुख, गजानन चोपडे आदी पदाधिकारी कार्यकर्ते उपस्थित होते.

सोयगाव दि.१० (प्रतिनिधी) अखिल भारतीय ग्राहक पंचायत सोयगाव येथील कार्यालयात तालुक्यातील सर्व सभासदांची सभा घेण्यात आली. या सभेस मार्गदर्शन करण्याकरीता जिल्हा संघटक धनंजय मुळे उपस्थित होते.मागील सभेचा वृतांत तालुका अध्यक्ष प्रभाकर कुलकर्णी यांनी वाचून दाखविला. अखिल भारतीय ग्राहक पंचायत सोयगाव तालुका कार्यकारिणीसाठी इच्छुक सभासदांनी केलेले अर्ज मा.जिल्हा संघटक यांनी जिल्हा कार्यकारिणी समोर ठेऊन त्यास सर्वानुमते संमतीने सोयगाव तालुका कार्यकारिणी जिल्हा संघटक धनंजय मुळे यांनी घोषित केली आणि सर्व पदाधिकाऱ्यांचे अभिनंदन केले.

गाव तेथे ग्राहक पंचायत असा कार्यक्रम सोयगाव तालुक्यात राबवण्याचा संकल्प केला असल्याचे नवनिर्वाचित अध्यक्ष प्रभाकर कुलकर्णी यांनी यावेळी सांगितले. नवनिर्वाचित तालुका संघटक सुधीर कुलकर्णी यांनी प्रत्येक गावात ग्राहक मार्गदर्शन केंद्र सुरू करण्याचा मानस असल्याचे सांगितले.सर्व नवनिर्वाचित पदाधिकाऱ्यांनी तालुक्यासाठी एक अभ्यासवर्ग घेण्यात यावा अशी मागणी जिल्हा संघटक धनंजय मुळे यांच्याकडे केली असता माहे मे २०२३ मध्ये अभ्यास वर्गाचे नियोजन करण्यात येईल असे आश्वासन धनंजय मुळे यांनी दिले.

या कार्यक्रमास प्रमुख पाहुणे म्हणुन सोयगाव तहसीलचे नायब तहसीलदार गोरखनाथ सुरे उपस्थित होते. यावेळी प्रभाकर कुलकर्णी यांनी २०२४ या वर्षी अखिल भारतीय ग्राहक पंचायतला ५० वर्ष होत असून त्यानिमित्ताने जेथे जेथे ग्राम पंचायत तेथे तेथे ग्राहक पंचायत असा नारा त्यांनी दिला. नवनिर्वाचित पदाधिकारी यांनी हाच नारा देत पुर्ण वर्ष काम करेन असे सर्वांच्या वतीने सांगीतले. कार्यक्रमासाठी सोयगाव येथील शेतकरी समूह उपस्थित होता पिक विमा अजून पर्यंत मिळाला नसल्याची तक्रार ग्राहक मंचाच्या स्थानिक कार्यकर्त्यांकडे केली. शेख सुलेमान से उस्मान यांनी शेतकर्यांना ग्राहक पंचायत यासाठी निश्चित कार्य करेल आणि मार्च अखेर पर्यंत न्याय मिळेल असे सर्व शेतकरी बांधवांना सांगीतले. तसेच गरज पडल्यास ग्राहक पंचायत चे कार्यकर्ते आंदोलन करतील असा विश्वास योगेश बोखारे यांनी शेतकरी बांधवांना दिला. कार्यक्रमाचे सूत्रसंचालन प्रभाकर कुलकर्णी यांनी केले तर तर आभार प्रदर्शन सुनील काळे यांनी केले.

सोयगाव तालुका कार्यकारिणीत तालुका अध्यक्ष प्रभाकर बळवंत कुलकर्णी, उप तालुका अध्यक्ष संजय शहापूरकर, तालुका सचिव हितेश कुलकर्णी, तालुका संघटक सुधीर कुलकर्णी, सदस्य विकास देसाई, गोकुळ रोकडे, शिवाजी दौड, शेख सुलेमान शेख उस्मान. सुनिल काळे, योगेश बोखारे आदि सदस्यांची निवड करण्यात आली.

प्रजासत्ताक दिनी स्वखर्चाने राबविला आगळावेगळा उपक्रम.

सोयगाव प्रतिनिधी दि.२८ तालुक्यातील पळाशी येथे २६ जानेवारी प्रजासत्ताक दिनी येथील सामाजिक कार्यकर्ते भागवत कराळे यांनी स्वखर्चातून जिल्हा परिषद प्राथमिक शाळा येथील विद्यार्थ्यांसाठी आगळावेगळा उपक्रम राबविला यावेळी त्यांनी गावातून प्रभातफेरी काढण्यासाठी चक्क स्वखर्चातून घोडा व म्युझिकल बँड उपलब्ध करून दिला.

यावेळी घोड्यावरून विद्यार्थीनीला भारतमातेचे कपडे परिधान करून व गावातून वाजत-गाजत देशभक्तीपर गीते गाऊन प्रभात फेरी काढण्यात आली या अनोख्या उपक्रमाने पळाशी गावात चैतन्यशील वातावरण यावेळी बघण्यास मिळाले सामाजिक कार्यकर्ते भागवत कराळे यांच्या या उपक्रमाचे गावातील ग्रामस्थांकडून तसेच पंचक्रोशीतील नागरिकांकडून कौतुक केले जात आहे

यावेळी शाळेचे मुख्याध्यापक अरुण पाटील,शिक्षिका उषा मोरे, यांनी योग्य मार्गदर्शन करून उपक्रम राबविला याठिकाणी गावातील सामाजिक कार्यकर्ते दिलीप लोखंडे,ग्रामपंचायत सरपंच अनिल चव्हाण,उपसरपंच, ग्रामपंचायत सदस्य सुदाम दिवटे,देवानंद धुमाळ,सुपडू तोवर,शिवभाऊ कराळे, सोसायटी चेअरमन प्रभू तायडे यांच्यासह गावातील मोठया संख्येने ग्रामस्थांची उपस्थिती होती

आज दिनांक ३१.१२.२०२२ रोजी सकाळी ८.०० वाजता श्री विठ्ठल रुक्मिणी मंदिर राधापुर येथे चिंचाळा – राघापूर ग्रामपंचायत च्या वतीने ठेवण्यात आलेल्या नेत्र तपासणी शिबिरात बाहात्तर रुग्णांचे नेत्र तपासून अल्प दरात चष्मे वाटप करुन मोफत मोतीबिंदू, काचबिंदू ऑपरेशन साठी मार्गदर्शन एच व्ही देसाई नेत्र रुग्णालय पुणे, आयोजित शिबिरात केले यावेळी सरपंच पंडित पोकळे, राष्ट्रवादी काँग्रेसचे नेते अशोक (आण्णा) पोकळे, उपसरपंच ज्ञानेश्वर पोकळे, राजू नाना जाधव,

शिबिरात बाहात्तर रुग्णांचे नेत्र तपासून अल्प दरात केले चष्मे वाटप.

सखाहारी आबा शेंडगे, गणपत पोकळे, शरद जाधव, अशोक आप्पा पोकळे, संतोष जाधव, गोविंद चव्हाण, भरत जाधव पाटील व चिंचाळा – राधापुर येथिल ग्रामस्थ उपस्थित होते.