चीन मधून एक मोठी बातमी समोर येते आहे. एका भीषण बस अपघातामध्ये तब्बल 27 जणांनी प्राण गमावला आहे. चीनमध्ये घडलेल्या या अपघाताने प्रचंड जीवितहानी झाल्याने एकच खळबळ उडाली आहे.
एक प्रवासी बस उलटली आणि बसमधील 27 जणांचा मृत्यू झाला. तर 20 जण जखमी झाल्याची माहिती मिळतेय. चीनच्या दक्षिण-पश्चिम भागातील एका एक्स्प्रेस हायवेवर हा भीषण अपघात घडला.
या अपघातानंतर आता स्थानिक पोलीस आणि बचाव यंत्रणा अपघातस्थळी दाखल झाली आहे. पुढील कारवाई केली जाते आहे. जखमींवर रुग्णालयात उपचार सुरु आहेत.
27 जणांचा एकाच वेळी बस अपघातात मृत्यू झाल्याने एकच हाहाकार उडाला आहे. मृतांची ओळख पटवण्याचं काम सुरु आहे. दरम्यान, हा अपघात नेमका कशामुळे घडला, याचाही आता तपास केला जातो आहे.
