विजय चौधरी-सोयगाव तालुका प्रतिनिधी
सोयगाव तालुक्यातील आदर्श ग्रामपंचायत म्हणून ओळख असलेल्या व आपल्या विविध विकासकामे व उपक्रमांनी गाव विकसित करणाऱ्या गोंदेगाव येथील ग्रामपंचायवतीने सार्वजनिक शौचालयाचे बांधकाम केले होते.
त्याचे गुरुवार रोजी आ.उदयसिंग राजपूत यांच्या हस्ते व उद्धव बाळासाहेब ठाकरे शिवसेना संभाजीनगर जिल्हा प्रमुख राजेंद्र राठोड यांच्या हस्ते लोकार्पण करण्यात आले यावेळी गोंदेगाव ग्रामपंचायत आदर्श महिला सरपंच सौ. वनमालाताई शरद निकम, उपसरपंच दीपक अहिरे शरद निकम सर यांच्यासह ग्रामपंचायत सदस्य व ग्रामस्थांची मोठ्या प्रमाणात उपस्थिती होती
सोयगाव तालुक्यात गोंदेगाव ग्रामपंचायत ही गावात विविध उपक्रम राबवत असून गावाला स्वछ आणि निर्मळ कसे बनवता येईल ही संकल्पना मनात ठेवून गावच्या आदर्श महिला सरपंच सौ. वनमालाताई शरद निकम व ग्रामपंचायत गोंदेगाव वाटचाल करताना दिसत आहे.
सोयगाव तालुक्यातील एकमेव वातानुकूलित बसस्थानक गोंदेगावात असून पुढेही अशीच विकासकामे राबविले जातील असा ध्यास सरपंच सौ. वनमालाताई निकम यांनी मनाशी बाळगला आहे.
