ठाण्यात रिक्षाचालकाचं संतापजनक कृत्य, रेल्वे स्टेशन बाहेरच तरुणीचा विनयभंग, CCTV मध्ये घटना कैद.
![](https://newsmall18.com/wp-content/uploads/2022/10/thane-molestation.jpg)
![](https://newsmall18.com/wp-content/uploads/2022/10/thane-molestation.jpg)
राज्यातील महिला कितपत सुरक्षित आहेत हा खरंतर प्रश्नचिन्हच आहे. कारण वारंवार महिला आणि मुलींच्या विनयभंग, अत्याचार आणि छळाच्या बातम्या समोर येत आहेत. विशेष म्हणजे महाराष्ट्राची राजधानी असलेल्या मुंबई, उपराजधानी नागपूरपासून ते अनेक मोठ्यामोठ्या शहरांपासून खेडेगावांपर्यंत या घटना घडत आहेत. आतादेखील मुख्यमंत्री एकनाथ शिंदे यांच्या ठाण्यातून अशीच एक घटना समोर आली आहे.
ठाणे रेल्वे स्टेशन बाहेर परीसरातील धक्कादायक प्रकार, रिक्षावाल्याने केला तरुणीचा विनयभंग, रिक्षावाल्याला जाब विचारायला गेलेल्या तरुणीला रिक्षावाल्याने फरफटत नेले, घटना सिसिटिव्हित कैद, आरोपीने संतापजनक कृत्य केल्यानंतर तिला जाब विचारण्यासाठी गेलेल्या तरुणीला रिक्षाचालकाने फरफटत नेलं. संबंधित घटना सीसीटीव्ही कॅमेऱ्यात कैद झाली आहे. याप्रकरणी ठाणे नगर पोलिसांनी गुन्हा दाखल केला आहे. पोलिसांकडून आरोपींचा शोध सुरु आहे.
![](https://newsmall18.com/wp-content/uploads/2022/07/PORTAL-PRATINIDHI-scaled.jpg)
विशेष रेल्वे स्टेशन परिसरात याआधीदेखील अशाप्रकारच्या घटना घडल्या आहेत. त्यामुळे आरोपींना पोलिसांता धाक राहिलेला नाही का? असा प्रश्न उपस्थित होतोय.तरुणाने अश्लिल शेरेबाजी केली. त्याचा जाब विचारायला मुलगी गेली असता त्याने आणखी अश्लिल वर्तन केले. यामुळे तरुणीने त्याची कॅालर पकडली. तोच रिक्षावाल्याने रिक्षा पळवली आणि मुलीला फरपटत नेले. मुलगी रस्तावर पडली आणि तिला दुखापत झाली. संबंधित प्रकार सीसीटीव्ही कॅमेऱ्यात अचूकपणे कैद झाला आहे.
विकृत तरुणाने तरुणीला फरफटत नेल्याने ती जमिनीवर कोसळली. त्यानंतर आरोपी तरुण हा पळून गेला. त्यानंतर रस्त्याने ये-जा करणाऱ्या काही नागरिकांनी तरुणीला रस्त्यावरुन उठवलं आणि तिची विचारपूस केली. त्यानंतर तातडीने पोलिसांना या घटनेची माहिती देण्यात आली. या घटनेमुळे परिसरात एकच खळबळ उडाली. काही नागरिकांना आरोपी रिक्षाचालकाला देखील पकडण्याचा प्रयत्न केला. पण त्यात त्यांना यश आलं नाही. पोलीस याप्रकरणी आरोपी तरुणाचा शोध घेत आहेत.