साई भक्तांवर काळाचा घाला; ट्रक आणि लक्झरीचा भीषण अपघात.
अहमदनगर मधील शिर्डी मधून एक मोठी बातमी समोर येत आहे. सिन्नर – शिर्डी मार्गावर पाथरी परिसरामध्ये ट्रक आणि लक्झरीचा भीषण अपघात झाला आहे. या अपघातामध्ये दहा जणांचा मृत्यू झाल्याची प्राथमिक माहिती समोर आली आहे. ट्रॅव्हल बस आणि ट्रकची समोरासमोर धडक झाल्याने हा अपघात झाल्याच बोलल जात आहे. या अपघातामध्ये 10 जणांचा मृत्यू झाला असून बसमध्ये बाकीचे गंभीर जखमी झाले आहेत या जखमींना उपचारासाठी रुग्णालयामध्ये दाखल करण्यात आला आहे.
यामध्ये मिळालेली माहिती अशी की, सकाळी सिन्नर – शिर्डी मार्गावर पाथरी परिसरामध्ये एक ट्रक आणि लक्झरीचा अपघात झाला. या अपघातामध्ये समोरासमोर झालेल्या या धडकेमध्ये दहा प्रवाशांचा जागीच मृत्यू झाल्याची माहिती समोर येत आहे. त्याचप्रमाणे अपघातामध्ये बसमधील इतर प्रवासी देखील गंभीर जखमी झाले आहेत. जखमींना उपचारासाठी रुग्णालयात दाखल केलं आहे. हा अपघात सिन्नर शिर्डी या मार्गावर झाला आहे. मात्र या अपघाताचे कारण अद्याप समोर आलेले नाही. तसेच घटनास्थळी बचावकार्य सुरू आहे.
हा अपघात झाल्यानंतर स्थानिकांनी मदतीसाठी धाव घेतली. हा अपघात एवढा भीषण होता की दोन्ही अपघातग्रस्त वाहनांचा चक्काचूर झालेला दिसत आहे. अपघात झाला त्यावेळेस प्रवाशांनी बचावासाठी एकच अकांत केला होता. आवाज ऐकून त्या ठिकाणी असलेल्या स्थानिकांनी घटनास्थळी धाव घेत बसच्या काचा फोडून प्रवाशांना बाहेर काढले. या अपघातामध्ये अनेक जण गंभीर जखमी झाले आहेत त्याचप्रमाणे जखमींना उपचारासाठी रुग्णालयात दाखल देखील केल आहे. मृताचा आकडा आणखी वाढण्याची शक्यता देखील वर्तवली जात आहे.
