एकीकडे पतीकडून मानसिक छळ होत असताना आरोपी सासरा भारत गणपत मोरे यानेही पैशाच्या कारणावरून टोमणे मारत शिवीगाळ करीत महिलेला मारहाण केली. तसेच नणंद स्वाती संजय पाटील हिनेही सदानंद यास उचकवून मानसिक व शारीरिक त्रास दिला, असे स्मिता मोरे यांनी फिर्यादित म्हटले आहे.

आरोपी पतीने पत्नीला क्लिनिक टाकण्यासाठी माहेरून पैसे आण म्हणत मारहाण केल्याचीही माहिती समोर आली आहे. याप्रकरणी स्मिता सदानंद मोरे यांनी विजापूर नाका पोलीस ठाण्यात फिर्याद दिली. त्यावरुन याप्रकरणी पतीसह चौघांवर गुन्हा दाखल करण्यात आला आहे.

तक्रारदार महिला स्मिता मोरे यांचा 2014 मध्ये आरोपी सदानंद मोरे याच्याशी विवाह झाला होता, तेव्हापासून आरोपी पती सदानंद हा क्लिनिक टाकायचे आहे. घेतलेल्या घराचे कर्ज फेडण्यासाठी वारंवार वडिलांकडून पैसे आण म्हणून फिर्यादीला त्रास देत होता, दरम्यान, स्मिता मोरे यांनी दिलेल्या या फिर्यादीवरून वरील तिघांसह दत्तात्रय मोरे याच्यावर गुन्हा दाखल केला आहे. याप्रकरणी विजापूर नाका पोलीस पुढील तपास करत आहे.