महानगरपालिकेचे अधिकारी तसेच केंद्र सरकारच्या अधिकाऱ्यांसमवेत या प्रकल्पासाठी अनेक बैठका होऊन त्यात सकारात्मक चर्चा झाल्या होत्या. त्याचाच परिपाक म्हणून या ४० बसेस मंजुर करण्यात आल्या आहेत.

सार्वजनिक परिवहन सुधारण्यासाठी आपण कटीबध्द असल्याचे नमुद करून खा. लंके म्हणाले, या उपक्रमामुळे शहरी व ग्रामीण या दोन्ही भागातील प्रवाशांना सोईस्कर आणि पर्यावरणपुरक वाहतूक उपलब्ध होणार आहे. प्रदुशन होणार नसल्याने वायु गुणवत्तेत सुधारणा होईल तसेच वाहतूकीची कोंडी कमी होण्यास मदत होईल. विशेषतः शेतकरी, विद्यार्थी, ग्रामीण भागातील प्रवासी या बस सेवेचा लाभ घेऊ शकतील. त्याबरोबरच औद्योगिक क्षेत्रालाही त्याचा फायदा होणार आहे.

ही बस सेवा लवकर सुरू करण्यासाठी आम्ही प्रयत्नशिल असून जेणे करून प्रत्येक नागरीक, विद्यार्थी, शेतकरी त्याचा लाभ घेउ शकेल. या योजनेच्या अंमलबजावणीसाठी जिल्हाधिकारी तसेच परिवहन समितीशी चर्चा करण्यात येणार असल्याचे खा. लंके म्हणाले.