पण एका बापाने चक्क आपल्या अल्पवयीन मुलीचं लग्न लावून दिले. ही घटना राहुरी तालुक्यातील असून हा बाप आपल्या बायको व मुलांना सोडून दुसऱ्या महिलासोबत सध्या संसार करत आहे.

याबाबतची सविस्तर माहिती अशी की, या बापाला पहिली एक बायको व चार मुली, एक मुलगा आहे. गेल्या तीन वर्षापासून तो बायको आणि मुलांना सोडून शहरातील मुलं माथा परिसरात एका महिलेसोबत राहत आहे दोन महिन्यापूर्वी त्याने पहिल्या बायकोकडून 3 नंबरच्या मुलीला घेऊन गेला आणि त्या मुलीच्या आईला काहीच न सांगता परस्पर त्या अल्पवयीन मुलीचे लग्न जमवतो. 12 जुलै रोजी त्या अल्पवयीन 14 वर्ष मुलीचा विवाह टाकळीमिया येथील रहिवासी असणाऱ्या 25 वर्षीय मुलाबरोबर राहुरी तालुक्यातील राहुरी फॅक्टरी परिसरात एका चर्चमध्ये लावून देतो.

याबाबतची माहिती मुलीच्या आईला कळतात मुलीची आई राहुरी येथील वकील खान व सामाजिक कार्यकर्ते इमरान यांच्याकडे धाव घेते. आणि हे सर्वजण राहुरी पोलीस ठाण्यामध्ये जातात. मला व माझ्या मुलीला न्याय मिळवून द्या अशी मागणी त्या पीडित मुलीच्या आईने पोलीस अधिकार्‍यांकडे केली. या बापावर गुन्हा दाखल करण्यासाठी पीडित मुलीची आई पोलीस स्टेशन मध्ये ठाण मांडून बसली होती. दुपार होऊन देखील त्या बापावर गुन्हा दाखल केला गेला नव्हता. बेकायदेशीरपणे अल्पवयीन मुलीचा विवाह लावून देणारा तो फादर कोण ? त्याच्यावर कारवाई करण्याची मागणी नागरिक करत आहेत.

पीडित मुलीच्या आईवडिलांनी सुमारे एक ते दोन वर्षांपूर्वी एक लग्न लावून दिले होते त्यानंतर पहिल्या पतीपासून सोडचिठ्ठी घेतली त्यानंतर काल त्याच अल्पवयीन मुलीचा दुसरा विवाह लावून दिला. याबाबत पोलीस ठाण्यामध्ये गुन्हा दाखल करण्यात येईल का ? त्या पीडित मुलीला न्याय मिळणार का ? असा प्रश्न नागरिकांमधून होत आहे.

27 वर्षीय विवाहित तरुणीचा एका दूध घालणाऱ्याने विनयभंग केला आहे त्याचं नाव किरण उर्फ रवींद्र अरुण ढोकणे हे आहे तो उंबरे गावातील असून रोजच्या प्रमाणे तो दुध घालण्यासाठी या तरुणीच्या घरी गेला होता तरुणी दूध घेत असताना त्याने अचानकतिचा हात धरला आणि तू मला फार आवडतेस असं म्हणत लज्जा उत्पन्न होईल असे वर्तन करत त्याने तिचा विनयभंग केला.

तरुणींने आरडाओरडा करत स्वतःची सुटका केली आणि सासू सासरा आणि दिर यांना याची माहिती दिली तेव्हा तिचा दिर जेव्हा आरोपीच्या त्याच्या घरी जाऊन जाब विचारला कि तू आमच्या वहिणीचा हात का धरला तेव्हा आरोपी किरण उर्फ रवींद्र कोकणे यांनी शिवीगाळ करत तुमची लायकी आहे का माझ्या घरी यायचे असे म्हणतात दगडाने मारहाण केली आणि नंतर त्या प्रकरणी पीडित विवाहित तरुणीने राहुरी पोलीस स्टेशन मध्ये पोहोचली आणि त्या आरोपी विरुध्द फिर्यादी दिली त्यांनतर आरोपी किरण उर्फ रवींद्र अरुण ठोकणे याच्यावरती भादवि कलम 354 306 आणि 504 प्रमाणे गुन्हा दाखल करण्यात आला.

पोलीस निरीक्षक दराडे यांनी घटनास्थळी भेट दिली तर आरोपी किरण रवींद्र अरुण ढोकणे याचा हेडकॉन्स्टेबल चव्हाण हे शोध घेत आहेत.