पॅरासेलिंगला काही ठिकाणी पॅराग्लायडिंग असंही म्हणतात. हा एक साहसी खेळ आहे. या खेळात तुम्हाला एका भल्यामोठ्या फुग्याला बांधलं जातं. आणि हा फुगा एखाद्या बोटिला किंवा गाडीला बांधून हवेत उडवला जातो. वाऱ्याच्या वेगानं हा फुगा शेकडो फुट उंचावर उडतो. परिणामी तुम्हाला पक्षांप्रमाणे हवेत उडण्याचा आनंद मिळतो. पण हा खेळ धोकादायक सुद्धा आहे. कारण काही जणांना हवेत उंचावर पोहोचल्यावर चक्कर येते, उलटीसारखं सुद्धा होतं.
परिणामी पॅरासेलिंग करताना तुम्हाला आपल्या भितीवर नियंत्रण ठेवावं लागतं. अन् म्हणूनच या खेळाला अॅडव्हेंटर गेम म्हटलं जातं. अन् ८० वर्षांच्या आजीनं जे काम करताना तरुणांना भिती वाटेल ते काम करून दाखवलं. म्हणून तिचं सर्वत्र कौतुक केलं जात आहे.वय म्हणजे केवळ एक आकडा असतो. माझ्या आजीनं आज ते सिद्ध केलं. वयाच्या ८० व्या वर्षी नऊवारी साडीमध्ये तिनं पॅरासेलिंग केलं. हा व्हिडीओ गेली अनेक वर्ष माझ्या फोनमध्ये होता.
पण आज तो व्हिडीओ मी शेअर करतेय. ७ वर्षांपूर्वी ती आम्हाला सोडून गेली. पण हा व्हिडीओ पाहिल्यानंतर ती आजही आमच्यासोबतच आहे असं वाटतंय.” अशा आशयाची भावूक करणारी कॅप्शन तिनं या व्हिडीओला दिली आहे. हा व्हिडीओ सध्या इंटरनेटवर व्हायरल होत असून अनेकांनी या आजीबाईंच्या उत्साहाचं कौतुक केलं आहे.
हौसेला मोलच काय तर वयाचं देखील बंधन नसतं. आपल्या पैकी अनेक जण असे असतील ज्यांनी आपल्या आयुष्यात अनेक स्वप्न पाहिली असतील. पण कधी पैशांच्या तर कधी वेळेच्या मर्यादेमुळे ते स्वप्न अपूर्ण राहिलं असेल. पण ते स्वप्न तुम्ही आयुष्याच्या उत्तरार्धात देखील पूर्ण करू शकता. होय, अन् याचिच प्रचिती देणारा एक व्हिडीओ व्हायरल होत आहे. एका आजीबाईनं वयाच्या ८० व्या वर्षी चक्क पॅरासेलिंग करून सर्वांनाच चकित केलं. ज्या वयात माणसाला पाच पावलं चालता येत नाही. त्याच वयात या आजी चक्क शेकडो फुट उंचावर उडतायेत
