विमानात खिडकीजवळ बसण्यावरून दोन कुटुंबात हाणामारी; पहा बातमी सविस्तर.
बस मध्ये जागा मिळण्यावरून अनेक वाद होत असतात, असे वाद तुम्ही हमखास पाहत असाल मात्र विमानात वाद होतो हे कधी ऐकले का मात्र असं घडलंय वादाचे कारण सुद्धा तसंच काहीसं होतं खिडकीच्या बाजूची सीट मिळावी यासाठीचा हा वाद होता, यावरून असे लक्षात येतं की बस असो किंवा कुठलंही ठिकाण असो प्रवासी आपल्याला हवे त्या जागेवरती बसण्यासाठी कुठेही भांडण करू शकतात, हा भांडणाचा व्हिडिओ सोशल मीडिया वरती जोरदार व्हायरल होतोय यामध्ये विशेष म्हणजे भांडणात महिलांचा देखील मोठा सहभाग दिसतोय.सोशल मीडियावर या वादाचा व्हिडिओही व्हायरल झालाय. गेल्या काही दिवसांपासून विमान प्रवासात मारामारी, शिवीगाळ होण्याच्या घटना वाढल्या आहेत.
आता असाच एक वादाचा व्हिडिओ सोशल मीडियावर व्हायरल झालाय. हा व्हिडिओ या ट्विट हँडलवरून पोस्ट करण्यात आला आहे. विमानात खिडकीच्या सीटवरून दोन कुटुंब एकमेकांना भिडल्याचं व्हिडिओमध्ये दिसतंय. या वादामुळे विमानाला टेक-ऑफ करण्यास दोन तास उशीर झाला. हा वाद मिटवण्यासाठी विमानातील सर्व कर्मचारी प्रयत्न करीत होते. मात्र वाद मिटत नसल्याचं दिसून आल्यानं, दोन्ही कुटुंबांना विमानातून खाली उतरवण्यात आलं, व त्यानंतर विमानानं टेक-ऑफ केलं.व्हायरल झालेला व्हिडिओ आहे. G-3 1659 या क्रमांकाच्या विमानातील हा व्हिडिओ आहे.
या विमानात टेक-ऑफ करण्यापूर्वीच गोंधळ उडाला. विमानातच दोन कुटुंबं एकमेकांना भिडली. विमानातच आरडाओरड, शिवीगाळ करीत भांडणे सुरू झाली. सीटवर चढून लोक एकमेकांना शिव्या देत होते, भांडत होते, धक्काबुक्की करीत होते. यामध्ये महिलांचाही सहभाग होता.या वादाची सुरुवात विंडो सीटवरून झाल्याचं सांगण्यात आलं. एका महिलेनं तिच्या अपंग मुलासाठी एका प्रवाशाला विंडो सीट बदलण्याची विनंती केली होती. मात्र त्या प्रवासानं नकार दिला. त्यामुळे महिलेला राग आला, आणि तिने शिवीगाळ करण्यास सुरुवात केली.
या गोष्टीचे रुपांतर हाणामारीत झाले. विमानातील संपूर्ण कर्मचारी, अगदी पायलटलाही हा वाद मिटवण्यासाठी मध्यस्थी करावी लागली. परंतु वाद मिटला नाही, व त्याचा परिणाम असा झाला की विमानाला दोन तास उशीर झाला. अखेर वाद घालणाऱ्या दोन्ही कुटुंबांना विमानातून खाली उतरवण्यात आलं. विमान कंपनीनं या घटनेला दुजोरा दिला आहे.