स्त्रियांना खरेदी म्हंटल की एक वेगळाच उत्साह असतो, त्यामुळे खूप आनंदाने त्या खरेदी करत असतात, अश्या एका ताईने चक्क ५हजरचि साडी दुकानासमोरच जाळली,त्या स्त्रीने अस का केलं पाहूयात सविस्तर …कोणतीही स्त्री असो तिला साडीची मोह आवरत नाहीच. एक साडी खरेदी करण्यासाठी तासन् तास दुकानात घालवणाऱ्या महिलांनाही तुम्ही पाहिलं असेल. मात्र, मेरुठमध्ये एका महिलेचे पाच हजारांच्या साडीला शोरुम बाहेरच आग लावली आहे.
या घटनेचा व्हिडिओ सध्या सोशल मीडियावर व्हायरल होत आहे. नंतर हे प्रकरण इतकं तापलं की पोलिसही घटनास्थळी पोहोचले. काय घडलं होतं जाणून घ्या.मेरुठमध्ये राहणाऱ्या रीना शर्मा नावाच्या महिलेने करवाचौथच्या दिवशी एका दुकानातून पाच हजारांची साडी खरेदी केली होती. मंगळवारी रीना तिच्या एका मैत्रिणीसोबत दुकानात साडी परत देण्यासाठी गेली होती. साडी खराब असल्याचं तिनं म्हटलं.
तसंच, दुकानदाराने मुद्दाम मला खराब साडी दिली, असं म्हणत दुकानदाराकडून साडीचे पाच हजार रुपये परत मागितले. दुकानात साडीचे बिलदेखील दाखवलं होतं.दुकानात काम करणाऱ्या कर्मचाऱ्यांनी मात्र साडी परत घेण्यास नकार दिला. महिलेने जेव्हा साडी घेतली तेव्हा त्यात कोणताच दोष नव्हता. णि जर खरंच दोष असता तर महिलेने ती तेव्हाच परत दिली असती. ती इतके दिवस का थांबली.
त्यामुळं आता ती साडी पुन्हा परत घेतली जाऊ शकत नाही, असं कर्मचाऱ्यांनी स्पष्ट केलं.कर्मचाऱ्यांनी नकार देताच महिलेला राग अनावर झाला आणि तिने शोरुमसमोरच साडी पेटवली. या नाट्यमय घडामोडीमुळं काही वेळासाठी रस्त्यावरील वाहतूक कोंडी झाली होती. घटनास्थळी पोलिस पोहोचल्यानंतर दोघांचीही बाजू ऐकून घेतली. त्यानंतर शोरुमच्या मालकाने महिलेला पाच हजार रुपये परत केले
