शिंदे -फडणवीस याचं सरकार हे सर्व सामन्य जनतेच सरकार आहे , मात्र याच सरकारच्या जिह्यात अश्या काही धक्कादायक घटना घडली,
एका हॉटेल मध्ये हत्यार नंगे नाचवून गुंडांनी मारहाण केलाच cctv कैद झालं आहे , मुख्यमंत्र्याच आपला च जिल्ह्यात लक्ष नाही अस बोल जात आहे,ठाणे जिल्ह्यातून एक धक्कादायक बातमी समोर आली आहे.
ठाणे शहरातील लोकमान्य नगर परीसरातील एका हॉटेलमध्ये आज काही गावगुंडांनी दहशत माजवण्याचा प्रयत्न केला. तोंडाला रुमाल बांधून हातात तलवार आणि काठ्या घेवुन त्यांनी हॉटेलमध्ये तोडफोड केली. यावेळी तिथं उपस्थित असलेल्या ग्राहक आणि कर्मचाऱ्यांना या गुंडानी मारहाण केली. तोडफोडीचे कारण समजले नाही. दहशत माजवण्याकरता तोडफोड केली असल्याचं प्राथमिक तपासात समोर आले आहे. दरम्यान, ही घटना सीसीटीव्ही कॅमेऱ्यात कैद झाली आहे. वर्तकनगर पोलीस ठाण्यात या प्रकरणी गुन्हा दाखल झाला आहे. ही घटना मुख्यमंत्र्यांच्या शहरातच घडल्याने कायदा आणि सुव्यवस्थेचा प्रश्न निर्माण झाला आहे.
मागच्या महिन्यात कळवा पोलीस ठाण्याच्या हद्दीत दहशत माजवणारा कुप्रसिद्ध गुंड सुकेश ऊर्फ भोला अमोल झा याला एक वर्षासाठी स्थानबद्ध करीत त्याची रवानगी नाशिक कारागृहात करण्यात आली. दहशतमुक्त परिसर करण्यासाठी आतापर्यंत 15 गुंडांवर कारवाई केल्याची माहिती पोलिसांनी दिली.
कुप्रसिद्ध गुंड सुकेश ऊर्फ भोला अमोल झा याच्याविरोधात गंभीर दुखापत करणे, गैरकायद्याची मंडळी जमवणे, जीवे मारण्याची धमकी देणे, मारामारी, सरकारी कामात अडथळा निर्माण करून मारहाण करणे, महिलांविरुद्ध अत्याचार, अवैध शस्त्र बाळगणे आदी गंभीर गुन्ह्यांची नोंद कळवा पोलिस ठाण्यात आहे. ठाणे पोलिस आयुक्तालयाच्या हद्दीतील विविध ठाण्यांत पोलिस अभिलेखावर असलेले गुन्हेगार आणि सराईत यांच्या गुन्ह्यांना आळा घालण्याची मोहीम आयुक्तालयाच्या वतीने राबवण्यात येत आहे. आतापर्यंत या मोहिमेंतर्गत 15 गुंडांवर पोलिसांनी स्थानबद्धतेची कारवाई करीत गुंडांना कारागृहाचा रस्ता दाखवला आहे
