” ती ” हिटर लावलेल्या गरम पाण्यात पडली, अन्……
गजानन राऊत-वाळूज प्रतिनिधी
वाळूज:आंघोळीसाठी हीटर लावलेल्या बकेटमधील गरम पाण्याच्या पडून गंभीररित्या भाजलेल्या 4 वर्षीय चिमुकलीचा आज उपचारादरम्यान मृत्यू झाला. ही घटना वाळूज परिसरातील साईनगर, कमळापूर येथे घडली.
परभणी येथील राजेश शिंदे हे पत्नी सिमा, आई-वडील, चुलता तसेच 7 वर्षाचा मुलगा व 4 वर्षीय मुलगी यांच्यासह राहतात. त्यांची पत्नी डिलिव्हरीसाठी माहेरी गेलेली असतांना मुलगी श्रेया त्यांच्याजवळ राहत होती.
बुधवारी दुपारी 2 वाजेच्या सुमारास राजेश शिंदे यांनी प्लास्टिकच्या बकेटमध्ये हिटर लावले असता जेवन झाल्यानंतर श्रेया हात धुण्यासाठी गेली असता पाय घसरुन ती हिटर लावलेल्या गरम पाण्याच्या बकेटमध्ये पडली.
कुटुंबियांनी तातडीने तिला घाटीत दाखल केले होते मात्र गंभीर भाजलेल्या श्रेयावर उपचार सुरू असताना तीचा शुक्रवारी (ता.25) रोजी सकाळी 7 वाजेच्या सुमारास मृत्यू झाला या घटनेने परिसरात हळहळ व्यक्त केली जात आहे