मुलाने दुचाकीला सायकल आडवी घातली, क्षणात होत्याच नव्हत झाल अन् शहरात उडाली एकच खळबळ.
अहमदनगर जिल्ह्यात वाढती गुन्हेगारी धोक्याची घंटा असून पोलीस प्रशासनाने वेळीच दखल घेऊन गुन्हेगारीवर आळा घालणे काळाची गरज आहे,लहान मुलाने दुचाकीला सायकल आडवी घातल्याच्या किरकोळ वादातून २० वर्षीय तरुणाची हत्या झाल्याची धक्कादायक घटना अहमदनगर जिल्ह्यातील शिर्डी जवळील राहाता शहरात घडली आहे. याप्रकरणी राहाता पोलीस ठाण्यात खुनाचा गुन्हा दाखल करण्यात आला असून पोलिसांनी एका आरोपीला ताब्यात घेतले असून त्याच्या साथीदारांचा शोध सुरू आहे.
राहाता शहारानजीक पंधरा चारी शिवारात शनिवारी रात्री साडेनऊ वाजेच्या सुमारास २० वर्षीय रोहित वर्मा नामक तरुणाच्या दुचाकीला शेजारी राहणाऱ्या कुटुंबातील लहान मुलाने सायकल आडवी घातली होती. या किरकोळ कारणातून वाद झाल्याने संबंधित लहान मुलाचा मोठा भाऊ अरबाज शेख याने आपल्या साथीदारांच्या मदतीने रोहित याला लाकडी दांडक्याने बेदम मारहाण केली. जीव वाचवण्यासाठी रोहित वर्मा हा बाजूच्या शेतात पळाला असता आरोपी अरबाज आणि साथीदारांनी पाठलाग करत २० वर्षीय रोहित याच्यावर धारदार शस्राने वार करून त्याची हत्या केली.
हत्येच्या या थराराने राहाता शहरात एकच खळबळ उडाली आहे. या प्रकरणी राहाता पोलीस ठाण्यात भादंवी कलम ३०२, ३२३, ३२४, ३४ प्रमाणे हत्येचा गुन्हा दाखल करण्यात आला आहे. पोलिसांनी मुख्य आरोपी अरबाज शेख याला बेड्या ठोकल्या असून साथीदाराचा शोध पोलीस घेत आहेत. दरम्यान अहमदनगर जिल्ह्यात वाढती गुन्हेगारी धोक्याची घंटा असून पोलीस प्रशासनाने वेळीच दखल घेऊन गुन्हेगारीवर आळा घालणे गरजेचे असल्याचे नागरिकांमधून बोलले जात आहे.
हत्येच्या या थराराने राहाता शहरात एकच खळबळ उडाली आहे. या प्रकरणी राहाता पोलीस ठाण्यात भादंवी कलम ३०२, ३२३, ३२४, ३४ प्रमाणे हत्येचा गुन्हा दाखल करण्यात आला आहे. पोलिसांनी मुख्य आरोपी अरबाज शेख याला बेड्या ठोकल्या असून साथीदाराचा शोध पोलीस घेत आहेत
