स्पर्धा परीक्षेची तयारी करत होती; अभ्यासिकेत जागेवरच कोसळली, अन्…? पहा बातमी सविस्तर.
स्पर्धा परीक्षेत यश मिळाव यासाठी अनेक जण प्रयत्न करत असतात ,मात्र हे स्वप्न सर्वांचे पूर्ण होतात अस नाही, पूजाच स्वप्न अपूर्ण राहील.
नुकतेच पुण्यात याच तणावातून एका विद्यार्थ्याने आत्महत्या केल्याची धक्कादायक घटना घडली होती. त्यानंतर आता पुण्यातील वडगाव शेरी येथील अभ्यासिकेत अभ्यास करत असताना एका तरुणीचा हृदयविकाराचा तीव्र झटका येऊन मृत्यू झाल्याची धक्कादायक घटना घडली आहे.
पूजा वसंत राठोड (वय २५) असं मृत्यू झालेल्या विद्यार्थिनीचे नाव आहे. पूजा ही मूळची सोलापूर जिल्ह्यातील कोंडी तांडा या गावातील आहे. पूजाचे बीएससी पर्यंतचे शिक्षण हे संगमेश्वर येथे झाले तर पदव्युत्तर शिक्षण पुण्यात झाले. पूजा पुण्यात टाटा कन्सल्टिंग सर्विसेसमध्ये नोकरी करत होती. नोकरी करत असताना पूजा स्पर्धा परीक्षांचा अभ्यास देखील करत होती. पूजाची लहान बहीण देखील स्पर्धा परीक्षेची तयारी करते, तर भाऊ बंगळरु येथील एका कंपनीत नोकरी करतो.
अचानक तिला हृदयविकाराचा झटका आल्याने ती जागेवरच कोसळली. त्यानंतर अभ्यासिकेतील विद्यार्थ्यांनी तिला उपचारासाठी रुग्णालयात दाखल केले. मात्र, डॉक्टरांनी पूजाला मृत घोषित केलं. मंगळवारी सायंकाळी ही घटना घडली आहे. पूजाला हृदयविकाराचा झटका आल्याची घटना अभ्यासिकेतील सीसीटीव्ही मध्ये कैद झाली आहे. पूजा राठोड हिचे मुळगाव असलेल्या कोंडी तांडा येथे तिच्यावर अंत्यसंस्कार करण्यात आले.