मुंबई महानगरी आहे तिथे कधी काय होईल , सांगता येत नाही . या मोठ्या शहरात अनेक अप्रिय घटना घडतात. अशीच घटना वांद्रे परिसरात राहणारी दोन वर्षांची मुलगी घराबाहेर खेळत असताना, आशिकची नजर तिच्यावर पडली. त्याने गोड बोलून या मुलीला कडेवर घेतले आणि तो तिथून निघाला. बराच वेळ मुलगी न दिसल्याने घरच्यांनी शोधाशोध केली असता, ती कुठेच सापडली नाही.
सीसीटीव्ही फुटेज तपासले असता, आशिक तिला उचलून घेऊन जात असल्याचे दिसले. त्यानंतर कुटुंबीयांनी तातडीने वांद्रे पोलिस ठाण्यात तक्रार दाखल केली. याप्रकरणी अपहरणाचा गुन्हा दाखल करून पोलिसांनी तत्काळ तपास सुरू केला आहे.
आशिक हा दोन्ही पायांनी अपंग असून, त्याला गुडघ्यापासून पाय नाहीत. तरीही तो गुडघ्यावर व्यवस्थित चालतो. आशिकला अमली पदार्थांचे व्यसन असून, तो भीक मागत असल्याचे पोलिसांनी म्हटले आहे.
पोलिसांनी हे सीटीसीटीव्ही फुटेज जारी करून हा आरोपी कुणाला दिसल्यास संपर्क करण्याचे आवाहन केले आहे.
