काळानुसार सर्वच काही बदलत चालला आहे पूर्वी सात जन्म हाच पती मिळावा म्हणून नवरी मुलगी देवाकडे प्रार्थना करत असत पण आता थेट विवाहपूर्वीच पती आणि पत्नी मध्ये लग्नाचा करार झालेला सध्या सोशल मीडियावर व्हायरल होत आहे या पती-पत्नीने चक्क लग्नाचा करारनामा तयार केला आहे.
आपण लग्नामधील व्हिडिओ गमतीजमती पाहिले असतीलच पण हा लग्न सोहळा अनोखा आहे कारण यामध्ये पती-पत्नीने एकमेकांच्या सोबत करार केला आहे आणि या करारनाम्यावर मित्र-मैत्रिणींच्या साक्षीदार म्हणून सह्या देखील घेतले आहेत सदरील विवाह आंबेगाव तालुक्यातील एकलहरे येथील इंद्रप्रस्थ मंगल कार्यालयात लंबे कुटुंब व ताजने कुटुंब या वधूवरांमध्ये झाला आहे.
या करारनाम्याची सोशल मीडियावर जोरदार चर्चा सुरू आहे या युवा मध्ये झालेल्या करारनाम्याची सर्व उपक्रमाची सर्व स्तरातून स्वागत केले जात आहे. आदर्श गाव गावडेवाडी येथील सुवर्णा संदीप लंबे यांचे चिरंजीव व नारायणगाव येथील सविता सुनील ताजने यांची कन्या यांच्या विवाह प्रसंगी त्या वधूवराने एकमेकांच्या या करारनाम्यावर सह्या केल्या आहेत तसेच या करारनाम्याचे वाचन करण्यात आले आहे.
यामध्ये मिळालेली अधिक माहिती अशी की, या दोघांनीही स्वाक्षऱ्या केल्यानंतर यांनी साक्षीदार म्हणून मित्र-मैत्रिणींच्या देखील सह्या घेतल्या आहेत आणि यानंतर तिथे उपस्थित असलेल्यांनी टाळ्यांचा कडकडाट केला करारनामाचे छायाचित्र मंगल कार्यालयाच्या दर्शनी भागात लावण्यात सुद्धा आले होते या अनोख्या उपक्रमाचे सर्व स्तरातून स्वागत देखील केले जात आहे.
वर कृष्णा हे सिडकोचे अतिरिक्त जिल्हाधिकारी अजिंक्य पडवळ यांची भाचे व आदर्श गाव गावडेवाडी मधील पहिले इंजिनियर स्वर्गीय शंकरराव लंबे यांचे नातू आहेत वधू वर राज्यसेवा आयोग परीक्षेची तयारी करत आहेत शिवसेनेचे उपनेते माजी खासदार शिवाजीराव आढळराव पाटील, शरद बँकेचे माजी अध्यक्ष जयसिंगराव काळे, पुणे जिल्हा सहकारी बँकेचे माजी अध्यक्ष संजय काळे, राजगुरू सहकारी बँकेचे माजी अध्यक्ष राजीव वाळुंज, आंबेगाव तालुका शिवसेनाप्रमुख अरुण गिरे, आदर्श गाव गावडेवाडीच्या लोकनियुक्त सरपंच गावडे, माजी सरपंच गावडे इत्यादींनी वधूवरांना शुभेच्छा दिल्या.
करारनाम्यातील मुद्दे
कृष्णा : सायलीचे म्हणणे नेहमी बरोबरचं असेल.
मी सायलीची आणि आई वडिलांची ही सेवा करेल
सायली : मी कृष्णाकडे शॉपींगसाठी हट्ट धरणार नाही.
मी कृष्णाला मित्रांबरोबर फिरायला, पार्टीला जायला आडवणार नाही. (महिन्यातुन दोन वेळा)
मी कृष्णाचे मित्र घरी आल्यानंतर त्याच्यासाठी स्वतःच्या हाताने जेवण बनवेल.
आमच्यात वादविवाद झाले तरी ते आमचे आम्ही एक दिवसात मिटवू.
