एम. फिल. पदवी मिळाल्याबद्दल रणजित राऊत यांचा विविध सामाजिक संस्थांकडून सत्कार
जामखेड : तालुक्यातील फक्राबाद येथील रणजित रावसाहेब राऊत यांना सावित्रीबाई फुले पुणे विद्यापीठाची प्राणीशास्त्र विषयात एम. फिल. पदवी मिळाल्याबद्दल ग्रामीण आरोग्य प्रकल्प जामखेड चे समाजसेवक श्री. जयेश कांबळे, विनोबा भावे ग्रामविकास प्रतिष्ठान मलठण चे संस्थापक अध्यक्ष श्री. पोपटराव खोसे व पुण्यश्लोक अहिल्यादेवी होळकर विचार मंच माहिजळगाव चे अध्यक्ष श्री. नवनाथ शिंदे यांनी त्यांचा सन्मानपत्र, शाल, श्रीफळ व मानाचा फेटा देऊन सत्कार केला
तसेच त्यांच्या पुढील जैवविविधता संरक्षण, संवर्धन, प्रशिक्षण आणि संशोधनासाठी शुभेच्छा दिल्या. रणजित राऊत यांनी “स्टडीज ऑन हेवी मेटल्स ॲक्कूमुलेशन अँड बायोकेमिकल कंटेंट इन सम कमर्शिअली इंपॉर्टन्ट बाईवाल्व मॉलुस्क्स फ्रॉम रत्नागिरी कोस्ट ऑफ महाराष्ट्र, इंडिया” या विषयावर सावित्रीबाई फुले पुणे विद्यापीठाशी संलग्नित प्राणीशास्त्र विभाग संशोधन केंद्र, न्यु आर्ट्स कॉमर्स अँड सायन्स कॉलेज अहिल्यानगर येथे प्रबंध सादर केला.
यासाठी त्यांना पद्मश्री विखे पाटील महाविद्यालय प्रवरानगर येथील प्राणीशास्त्र विभागातील सहयोगी प्रा. डॉ. अनिल कुऱ्हे यांचे मार्गदर्शन लाभले. त्यांनी या विषयामध्ये रत्नागिरी येथील एकूण पाच प्रकारांमधील शिंपल्यांच्या प्रजातींचा अभ्यास करून त्यामध्ये आढळणाऱ्या वेगवेगळ्या प्रकारच्या जड धातूंचे प्रमाण व विविध आहार घटक या बाबतचे विश्लेषण केले आहे.
त्यांच्या प्रबंधाचे परिक्षण करण्यासाठी बहिस्थ परीक्षक म्हणून प्रा. डॉ. जे. डी. शेख, विभागप्रमुख प्राणीशास्त्र विभाग, मौलाना आझाद कॉलेज, छत्रपती संभाजीनगर व प्रा. डॉ. राम चव्हान, प्राणीशास्त्र विभाग, डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर हे उपस्थीत होते. या संशोधनासाठी त्यांना डॉ. बबन इंगोले (वरीष्ठ शास्त्रज्ञ), प्रा. डॉ. विश्वास चव्हान (वरीष्ठ शास्त्रज्ञ), प्रा. डॉ. जी. डी. सूर्यवंशी, प्राचार्य डॉ. एम. व्ही. कानेटकर, प्राचार्य डॉ. बी. एच. झावरे, प्रा. डॉ. सुनिल पोकळे, प्रा. डॉ. रुपेंद्र भागडे, प्रा. डॉ. ए. एम. भोसले, प्रा. डॉ. बी. ए. पवार, प्रा. डॉ. सुधाकर कुऱ्हाडे, प्राचार्य डॉ. एल. एस. मतकर, प्राचार्य डॉ. पी. एम. दिघे, प्राचार्य डॉ. फारुकी, प्रा. डॉ. विद्या प्रधान, प्रा. डॉ. शेख यास्मीन, प्रा. डॉ. संतोष रणखांब, प्रा. डॉ. टि. एस. पठाण, प्रा. डॉ. विलास जीवतोडे, प्रा. डॉ. प्रमोद कांबळे यांचे ही सहकार्य व मार्गदर्शन लाभले. रणजित राऊत यांनी प्राणीशास्त्र विषयात एम. फिल. पदवी “ओ” श्रेणी घेऊन उत्तीर्ण केल्याबद्दल विविध मान्यवर, सहकारी संशोधक विद्यार्थी, मित्र, परिवार व समाजातील विविध स्तरांतून अभिनंदन व कौतुक होत आहे.
