धक्कादायक ! 120 विद्यार्थी व विद्यार्थिनींना एकाच ट्रकमध्ये कोंबून प्रवास, पहा सविस्तर बातमी.
एक धक्कादायक बातमी समोर येत आहे, शाळा प्रशासनाच्या बेजबाबदारपणामुळे जवळपास दहा विद्यार्थी यांची प्रकृती बिघडली आहे. गोंदिया जिल्ह्यातूनही धक्कादायक बातमी समोर आली आहे. आदिवासी शाळेतील १२० मुला मुलींना एकाच ट्रक मध्ये कोंबून प्रवास करण्यात आल्याची बातमी समोर येत आहे. एकाच ट्रकमध्ये एवढ्या संख्येने विद्यार्थी कोंबल्यामुळे गाडीत श्वास घ्यायला त्यांना जागा मिळत नव्हते.
अक्षरशः काही विद्यार्थी आणि विद्यार्थिनी बेशुद्ध देखील पडल्या आहेत. अखेर गाडीत मोठा गोंधळ झाल्यानंतर गाडी थेट प्राथमिक केंद्रात घेऊन जाण्यात आली. ट्रक मध्ये ज्या 120 मुला-मुलींना कोंबलं होतं ते सर्व शासकीय आदिवासी शाळा मजितपूर येथील विद्यार्थी आहेत. कोयलारी या आश्रम शाळेत खेळण्यासाठी घेऊन जाण्यात आलं होतं, तिथून परत असताना संबंधित प्रकार घडला आहे, परत येत असताना काही विद्यार्थी बेशुद्ध पडले.
आणि म्हणून गाडीत गोंधळ झाला, अखेर गाडी थांबवण्यात आली. तिथे असलेल्यांना समजत नव्हतं. त्यामुळे तातडीन सर्व विद्यार्थ्यांना प्राथमिक आरोग्य केंद्रात उपचारासाठी आणण्यात आले. सर्व विद्यार्थ्यांवर सध्या उपचार सुरु आहेत. तर एका मुलीला उपचारासाठी गोंदिया येथील सामान्य रुग्णालयात हलविण्यात आलं. आदिवासी समाजाबद्दल सातत्याने काही ना काही चुकीच्या गोष्टी घडत असतात.
यामध्येच एकाच ट्रकमध्ये या पद्धतीने 120 विद्यार्थ्यांना कोंबणे आणि त्यामुळे त्या विद्यार्थ्यांना श्वसनाचा आजार उद्भवणे हे धक्कादायक असा प्रकार समोर आला आहे. संबंधित घटनेमुळे गोंदिया जिल्ह्यात खळबळ उडाली आहे. खरंतर शाळा प्रशासनाने या गोष्टींचा विचार करायला हवा होता, अशी चर्चा परिसरता सुरु आहे. एकाच गाडीत तब्बल 120 विद्यार्थी आणि विद्यार्थीनींना कोंबनं हे खरंच अतिशय धक्कादायक आहे. त्यामुळे संबंधितांवर प्रशासन काही कारवाई करतं का ते पाहणं महत्त्वाचं ठरेल.