Sushma Andhare : शिवसेनेच चिन्ह गोठल्यानंतर सुषमा अंधारेंची पहिली टिका, हायकमांडलाच केलं टार्गेट !
दसरा मेळावा पासून चर्चेत असणाऱ्या फायर ब्रान्ड नेत्या शिवसेनेच्या नेत्या सुषमा अंधारे यांनी पंतप्रधान नरेंद्र मोदी, केंद्रीय गृहमंत्री अमित शाह व उपमुख्यमंत्री देवेंद्र फडणवीस यांच्यावर टीका केली आहे. पंतप्रधान मोदी-शाह, फडणवीसांचे कुटील राजकारण जिंकले आहे, असे जहरी टीका केली ,
सुषमा अंधारे यांनी म्हटले आहे की पंतप्रधान नरेंद्र मोदी, केंद्रीय गृहमंत्री अमित शाह आणि उपमुख्यमंत्री देवेंद्र फडणीस तुम्ही जिंकलात आहात. तुमचे कुटील राजकारण जिंकले आहे. एकनाथ शिंदे हे जिंकले नाहीत. ते तर केवळ साधन होते. तुम्ही जो डाव आखला, जो डाव रचला तो डाव तुम्ही जिंकू पाहात आहात
जेव्हा खुज्या लोकांच्या सावल्या लांब-लांब पडायला लागल्या की समजून घ्यायचे असते, की अंधार जास्त पडायला लागलाय. उजेडाची गरज आहे. आम्ही उजेडासाठी लढत राहू. खडकातून सुद्धा उगवून येऊ. या सगळ्याच्या पाठीमागे भाजपा आहे, हे सांगण्याची गरज नाही, असेही अंधारे यांनी म्हटले आहे.
विद्यमान मुख्यमंत्री एकनाथ शिंदे हे या साऱ्या प्रकरणात जिंकले नाहीत तर केवळ टूल म्हणून त्यांचा वापर करण्यात आला आहे. कुटील राजकारण करून मोदी-शाह आणि फडणवीस जिंकले याबद्दल त्यांचे अभिनंदन
