आताची सर्वात मोठी बातमी हाती येते ती म्हणजे अपघात बद्दलची बातमी, पंढरपूरला जाणाऱ्या वारकऱ्यांच्या ट्रकला अपघात झाला आहे. अपघातात थोडे थोडके नाही तर 30 वारकरी जखमी झाले आहेत तर नऊ जण गंभीर जखमी असल्याची माहिती देखील समोर येत आहे . पंढरपूरला देव दर्शनासाठी जाणार्‍या वारकऱ्यांचा ट्रक पलटी होऊन हा भीषण अपघात झाला.
रत्नागिरी -नागपूर महामार्गावर अपघात झाला. रस्त्यावर काम सुरू असल्यामुळे रस्त्यांवरील खड्ड्यांचा अंदाज न आल्याने हा अपघात झाला. यात नऊ जणांची प्रकृती चिंताजनक आहे. या सर्वांना कवठेमहांकाळचे उपजिल्हा रुग्णालयात उपचारासाठी दाखल केल. ही घटना कवठेमहांकाळ तालुक्यातील विठ्ठल वाडी या ठिकाणी घडलेल्या बेळगाव जिल्ह्यातील हुक्केरी तालुक्यातील शिरहत्ती याठिकाणी सुमारे पन्नास वारकरी पंढरपूरला दर्शनासाठी निघाले होते.
एका ट्रकच्या माध्यमातून हे सर्वजण जात असतानाच रत्नागिरी नागपूर महामार्गावर भीषण अपघात झाला. अपघातात भरधाव येणाऱ्या ट्रकने एसटीला जाऊन धडकला जोरात ब्रेक दाबला रस्त्याच्या खड्ड्यात हा ट्रक पलटी झाला. वारकरी यामध्ये गंभीर जखमी झाले. या घटनेची माहिती मिळताच कवठेमहांकाळ पोलिस घटनास्थळी दाखल झाले. ग्रामस्थांच्या मदतीने मदतकार्य सुरू करण्यात आलं. रुग्णवाहिकेला बोलावून कवठेमहाकाळ उपजिल्हा रुग्णालयात उपचारासाठी दाखल करायला जखमींपैकी नऊ जणांची प्रकृती चिंताजनक असल्याची माहिती समोर येते.
