ते दोघे साडी चोळी नेसून करत होते चोरी; त्या दोन तरुणाचा खरा चेहरा समोर येताच पहा काय घडले.
ते दोन तरुणांनी चोरी साठी केल असे काही ज्यावर कोणाचा विश्वास हि बसणार नाही, तृतीय पंथी असल्याच भासवण्यासाठी मुंबईत साडी चोळी नेसून फिरत होती,याच दरम्यान त्या दोघानि एका तरुणीला फसवत तिची अंगठी चोरली , ग्रॅण्ट रोड येथील एक १८ वर्षीय तरुणी आपल्या घरी येत असताना दोन तृतीयपंथींनी तिला वाटेतच अडवले. आशीर्वाद देण्यासाठी डोक्यावर हात ठेवला आणि दोन्ही हातांची बोटे मोडून नजर काढल्यासारखे केले. पैशांची मागणी करतानाच तिच्या बोटातील सोन्याची अंगठी दोघांनी घेतली. ‘अंगठी चेहऱ्याभोवती फिरवून पुन्हा नजर काढण्याचे नाटक केले आणि अंगठी आपल्याकडेच ठेवली. तरुणी घरी गेल्यानंतर अंगठी नसल्याचे तिच्या लक्षात आले आणि तिने याबाबत कुटुंबीयांना सांगितले
कुटुंबीयांनी दादासाहेब भडकमकर मार्ग पोलिस ठाण्यात तक्रार दाखल केली. भररस्त्यात अशा प्रकारे लूट करण्यात आल्याने या घटनेची गंभीर दखल घेत वरिष्ठ पोलिस निरीक्षक प्रदीप खुडे यांनी सहाय्यक निरीक्षक राजाराम पोळ यांच्यासह पाटील, कोळी, देवरे, अभंग, शिंदे आणि पालवणकर यांची पथके तयार केली.या परिसरातील सीसीटीव्ही फूटेजची बारकाईने तपासणी केली. त्यावेळी दोन तृतीयपंथी पादचारी, दुकानदार, वाहनचालक यांच्याकडून पैसे मागत असल्याचे दिसले. या दोघांनीच तरुणीकडून सोन्याची अंगठी घेऊन तिची फसवणूक केल्याचे दिसून येत होते. लांबसडक केस आणि साडीचोळीमध्ये असलेल्या दोघांच्या चेहऱ्यांची छायाचित्रे घेऊन अनेकांपर्यंत पोहोचविण्यात आले.
पोलिसांनी सीसीटीव्ही फूटेज परिसरातील अनेक तृतीयपंथींना दाखवले. दोघांच्या वेशावरून आणि वागणुकीवरूनच हे दोघे तृतीयपंथी समुदायाचे नसून पुरुष असल्याचे त्यांनी सांगितले. मग हा बनाव असल्याचा संशय आल्याने त्या दृष्टीने पोलिसांचा शोध सुरू झाला.जिल्ह्यातील काही तरुण कळवा आणि आजूबाजूच्या परिसरात वास्तव्यास असून ते वेशांतर करून तृतीयपंथी बनून पैसे कमावत असल्याची माहिती मिळाली. त्यानुसार कळवा पोलिसांच्या मदतीने रितेश सोळंकी आणि अमर शिंदे या दोघांना पोलिसांनी अटक केली. रितेश आणि अमर हे मुंबईत आल्यावर निर्मनुष्य ठिकाणी जाऊन वेशांतर करत असत. जुलैमध्ये साकीनाका पोलिसांनी अशाच दोन तोतया तृतीयपंथींना अटक केली होती. हे दोघेही बुलढाण्याचेच होते.
बाळाचे बारसे असले की, त्याची कुणकुण तृतीयपंथींना लागते. शुभाशीर्वाद, नजर काढण्यासाठी ते घरी येतात. लोकही अंधश्रद्धेपोटी त्यांना पैसे देतात. याच सवयीचा फायदा घेत अनेकांच्या घरी जाऊन पैसे, तसेच सोन्याचे दागिने हातचलाखीने लंपास करणाऱ्या दोन ‘तोतया’ तृतीयपंथींना दादासाहेब भडकमकर मार्ग पोलिसांनी अटक केली. हे दोघे कळवा येथील असून ते घरातून निघताना शर्ट-पॅण्ट घालून बाहेर पडत आणि मुंबईत साडीचोळी परिधान करत. पुन्हा माघारी जाताना मूळ वेशात परतत असत.
