सध्या अनेक व्हिडिओ सोशल मीडियावरती व्हायरल होतात ,की डान्स करत असताना अचानक मृत्यू झाला किंवा अमुक एक काम करत असताना अचानक मृत्यू झाला. मात्र मैदानात मृत्यू येणे ही देखील धक्कादायकच घटना आहे .कोल्हापूरचा असणारा हा स्पर्धक आहे. याला स्पर्धेच्या दरम्यानच हृदयविकाराचा तीव्र झटका आला , मैदानातच मृत्यू झाला
सातारा रनर्स फौंडेशनच्यावतीने दरवर्षी आयोजित केल्या जाणाऱ्या सातारा हिल हाफ मॅरेथॉन स्पर्धेला सकाळी साडे सहा वाजता सुरुवात झाली. मात्र, आता या ठिकाणाहून अतिशय धक्कादायक घटना समोर आली आहे. सातारा हिल हाफ मॅरेथॉन स्पर्धेतील एका स्पर्धकाचा मृत्यू झाला आहे. राज पटेल असं या स्पर्धकाचं नाव आहे.
हा स्पर्धक कोल्हापूरमधील राष्ट्रीय टेबल टेनिस खेळाडू होता. मृत स्पर्धकाला सातारा जिल्हा शासकीय रुग्णालयात नेण्यात आलं आहे. मिळालेल्या माहितीनुसार सातारा हिल मॅरेथॉन स्पर्धेदरम्यान या धावपटूचा हृदयविकाराच्या झटक्याने मृत्यू झाला आहे. स्पर्धेत धावणारा संबधित स्पर्धक हा मूळचा कोल्हापूर जिल्ह्यातील होता.
