लोखंडी अँगल ओलांडून कुटुंब निघालं; वाढदिवसाच्या दिवशीच चिमुकल्यासोबत पहा काय घडलं.
बारामती अत्यंत वेदनादायी प्रसंग घडला आहे , प्रत्येकाच्या आयुष्यात वाढदिवस हा खूप आनंदाचा दिवस असतो हाच दिवश स्मृती दिन झाला तर अशी कल्पना करू वाटत नाही , एका विचित्र अपघातात तीन वर्षीय निष्पाप चिमुकल्याचा दुर्दैवी अंत झाल्याची घटना शहरातील इंदापूर रोडवरील हॉटेल शिवम समोर घडली. अरहत थोरात असे या चिमुकल्याचे नाव आहे.
प्रिती थोरात या चिमुकल्या अरहत व कुटुंबासह एसटी स्टँड चौक ओलांडून इंदापूर रोडने जय शिवम हॉटेल समोरुन पुढे चालत येत होत्या. रस्त्यात असलेला लोखंडी अँगल ओलांडून पुढे निघाले असताना अचानक भरधाव वेगाने एक मोटारसायकल येऊन अँगलला धडकली. तो लोखंडी अँगल फिर्यादीच्या पायाला व तीन वर्षाच्या अरहतच्या डोक्याला लागला.
त्याच्या डोक्यातून रक्तस्त्राव होऊ लागल्याने त्याला तात्काळ शहरातील वेगवेगळ्या नामांकित हॉस्पिटलमध्ये नेले. मात्र आम्ही अपघाताचे रुग्ण घेत नसल्याचे तेथील डॉक्टरांनी सांगितले. शेवटी एका हॉस्पिटलमध्ये चिमुकल्याला दाखल केले असता डॉक्टरांनी त्याला दवाखान्यात आणण्यास उशीर झाल्याचे सांगत मृत घोषित केले. दरम्यान अपघातास कारणीभूत ठरलेल्या मोटरसायकल स्वार संकेत खळदकरसह प्राथमिक उपचार न देणाऱ्या रुग्णालयावर कारवाई करण्याची मागणी फिर्यादीत नमूद केली आहे.
याप्रकरणी शुभांगी कांबळे यांनी दिलेल्या फिर्यादीवरून संकेत प्रकाश खळदकर यास ताब्यात घेतले आहे. अरहतच्या वाढदिवशीच ही घटना घडली. त्यामुळे चिमुकल्याच्या वाढदिवशीच त्याला अखेरचा निरोप देण्याची वेळ कुटुंबावर आली. या घटनेमुळे कुटुंबासह नातेवाईकांवर दु:खाचा डोंगर कोसळला आहे.