पालघरमध्ये तरुणीवर झालेल्या गोळीबाराचा Live Video आला समोर, पाहा बातमी सविस्तर …
राज्यात गुन्हेगारीच प्रमाण वाढत आहे , महिला सुरक्षतेचा प्रश्न ऐरणी वर आहे , रोज कुठे ना कुठे महिलानावर हल्ले होत आहेत ,कधी प्रेम प्रकरणातून ,एक तर्फी प्रेमातून मुलींची हत्या होत आहे .
बोईसर परिसर येथे एका तरुणाने तरुणीवर भरदिवसा गोळीबार केल्याची धक्कादायक घटना घडली आहे . गोळीबाराची ही धक्कादायक घटना सीसीटीव्ही कॅमेऱ्यात कैद आहे. प्रेम प्रकरणातून हा गोळीबार केल्याचं तपासात उघड झालं असून बोईसरमधील टिमा हॉस्पिटलजवळ हा गोळीबार झाला. या गोळीबारात स्नेहा दिनेशकुमार मेहतो या तरुणीचा डोक्याला गोळी लागल्याने तिचा मृत्यू झाला.
गोळीबार करुन पळून जाण्याचा तयारीत असलेल्या आरोपीचा स्थानिकांनी पाठलाग करून पकडण्याचा प्रयत्न केला . मात्र आरोपीने सीआयएसएफच्या गाडीखाली येऊन आत्महत्या करण्याचा प्रयन्त केला. सीआयएसएफच्या गाडीखाली आल्याने जखमी झालेल्या आरोपीवर रुग्णालयात उपचार सुरू असताना त्याचाही मृत्यू झाला,
सीसीटीव्ही कॅमेऱ्यात कैद झालेल्या घटनेत पाहायला मिळतं, की हा तरुण तरुणीचा पाठलाग करत आहे. इतक्यात रस्त्यावरच तो या तरुणीवर गोळीबार करतो. हे पाहून आसपासचे लोकही मदत करण्याची सोडून तिथून पळ काढतात.
बोईसर पोलिसांनी या संदर्भात गुन्हा दाखल केला असून पोलिसांकडून अधिक तपास सुरू आहे. दरम्यान आरोपी आणि मयत मुलगी यांचं प्रेम प्रकरण होतं. मयत मुलीच्या कुटुंबीयांकडून लग्न करण्याच्या आग्रहानंतरही तरुण लग्न करण्यास टाळाटाळ करत असल्याची माहिती मयत मुलीच्या आईकडून देण्यात आली आहे.
