ब्रेकिंग ; ट्रकने दिली रिक्षाला धडक १० जणांचा जागीच मृत्यू ,७ जण जखमी
दसर्याच्या पूर्व संध्येला गुजरात मधून एक वाईट बातमी समोर येत आहे ,वडोदरा शहरातून जाणाऱ्या राष्ट्रीय महामार्ग ४८ वर दार्जीपुरा येथे हा अपघात झाला. पोलिसांनी दिलेल्या माहितीनुसार समोरून येणाऱ्या कारला वाचवताना कंटेनर ट्रकचालकाचं नियंत्रण सुटलं. ट्रकने लेन ओलांडून समोरून दुसऱ्या बाजूने येणाऱ्या लेनवरील रिक्षाला चिरडलं.रिक्षा मधून १४ प्रवासी प्रवास करत होते,
त्यापैकी दहा जणांचा मृत्यू झाला आहे. या घटनेची माहिती मिळताच पोलीस अग्निशमन दल आणि इतर यंत्रणा बचाव कार्य करण्यासाठी तातडीने घटनास्थळावर पोहोचले.
बचाव कार्य करण्यासाठी आणि जखमींना बाहेर काढण्यासाठी हायड्रोलिक कटरचा वापर करण्यात आला आहे. कंटेनर ट्रकबाजूला काढण्यासाठी तीन क्रेन देखील पाचारण करण्यात आल्या होत्या. यामधून जखमींना वाचून त्यांना एसएसजी रुग्णालयात दाखल करण्यात आलं आहे.
तप्रधान नरेंद्र मोदी यांनी या घटनेबद्दल शोक व्यक्त केला आहे.या अपघातातील मृतांच्या नातेवाईकांना दोन लाखांची तर जखमींसाठी पन्नास हजार रुपयांची मदत जाहीर केली आहे. गुजरातचे मुख्यमंत्री पटेल यांनी मृतांच्या नातेवाईकांसाठी चार लाख तर जखमींसाठी पन्नास हजार रुपयांची घोषणा केली आहे.एकाच वेळी अपघातात तब्बल 10जण मृत्यूमुखी पडण्याच्या घटनेने वडोदरा वर शोककळा पसरली आहे .
