” त्याने ” साईबाबांच्या चरणावर डोक ठेवले अन् घडल असं काही, पहा बातमी सविस्तर.
साईबाबाचे अनेक भक्त आहेत, सबका मलिक एक म्हणत साईबाबा सदैव आपल्या सोबत असतात, म्हणून साईभक्त मोठ्या प्रमाणात आहेत, हि घटना अत्यंत भावनिक आहे.मध्य प्रदेशातील कटनी येथील एका मंदिरात साईबाबांच्या दर्शनासाठी आलेल्या व्यक्तीचा हृदयविकाराच्या झटक्याने मृत्यू झाल्याची माहिती समोर आली आहे. हा इसम साईबाबांच्या तसबिरीसमोर नमस्कार करण्यासाठी झुकला. त्याने आपलं डोकं साईबाबांच्या तसबिरीसमोर ठेवले होते. तेव्हाच त्याला हृदयविकाराचा तीव्र झटका आला. यामध्येच या व्यक्तीचा दुर्दैवी मृत्यू झाला.
या तरुणाचे नाव राकेश मेहानी (वय ४२) असे आहे. राकेश हा कटनी येथील संतनगर परिसरात वास्तव्याला होता. गुरुवारी दुपारी राकेश नेहमीप्रमाणे साईमंदिरात आला. तो साईबाबांच्या प्रतिमेचे दर्शन घेण्यासाठी खाली बसला. यानंतर तो साईचरणी नतमस्तक झाला. बराचवेळ राकेश तशाच अवस्थेत बसून होता. त्याच्यासोबत आलेले इतर लोक दर्शन घेऊन निघून जात होते. मात्र, बराचवेळ होऊन राकेशची कोणतीही हालचाल दिसली नाही. तेव्हा एका माणसाने त्याठिकाणी जात राकेशची विचारपूस करण्याचा प्रयत्न केला.
तेव्हा राकेशचा मृत्यू झाल्याचे दिसून आले. डॉक्टरांकडून राकेशच्या मृत्यूचे प्राथमिक कारण हृदयविकाराचा झटका हे मानले जात आहे. ही संपूर्ण घटना मंदिरातील सीसीटीव्ही कॅमेऱ्यात कैद झाली. हा व्हिडिओ सध्या सोशल मीडियावर तुफान व्हायरल होत आहे.एका व्हिडिओत राकेश मेहानी याने साईबाबांचे दर्शन घेतल्यानंतर तो प्रदक्षिणा घालताना दिसत आहे. त्यानंतर राकेश साईबाबांच्या तसबिरीसमोर नतमस्तक झाला. बराचवेळ झाला तरी राकेश याच अवस्थेत बसून होता. त्याची कोणतीही हालचाल दिसत नसल्याचे पाहून मंदिरातील कर्मचारी त्याच्याजवळ गेले. कर्मचाऱ्यांनी राकेशला हलवले, मात्र त्याचे शरीर निश्चेष्ट पडून होते. यानंतर राकेशला तातडीने नजीकच्या रुग्णालयात नेण्यात आले.
याठिकाणी राकेश मेहानी याला मृत घोषित करण्यात आले. राकेशच्या मृतदेहाचे शवविच्छेदन होणे बाकी आहे. त्यानंतर राकेशच्या मृत्यूमागील नेमक्या कारणाचा उलगडा होईल. मात्र, प्राथमिक अंदाजानुसार राकेश मेहानी याला हृदयविकाराचा झटका आला असावा, अशी शक्यता वर्तविली जात आहे.
