...
गुन्हेगारी

दीड वर्षांपूर्वी ज्या तरुणावर अंत्यसंस्कार झाला, तो एका तरुणीसोबत पुण्यात सापडला पहा काय आहे प्रकरण.

असे प्रकरण फार कमी होतात , कारण या गोष्टीवर तुमचा विश्वास बसणार नाही. दोन वर्षापूर्वी ज्या तरुणाचा अंत्यविधी केला तो जिवंत सापडला, सविस्तर पाहू प्रकरण काय आहे,बिहारच्या रोहतासमध्ये एक अजब घटना घडली आहे. दीड वर्षांपूर्वी अंत्यसंस्कार केलेला तरुण जिवंत असल्याची माहिती तरुणाच्या कुटुंबाला मिळाली. पोलिसांनी तरुणाला उत्तर प्रदेशच्या दिनदयाळ उपाध्याय रेल्वे जंक्शनवरून शोधून काढलं. त्याच्यासोबत त्याची अल्पवयीन प्रेयसीदेखील होती.

तिच्या कुटुंबियांनी पोलीस ठाण्यात अपहरणाची तक्रार दाखल केली होती. मुलगा रवी रंजन कुमारचं निधन झाल्याचं त्याच्या कुटुंबीयांना वाटत होतं.ऑक्टोबर 2021 मध्ये तरुणीच्या कुटुंबीयांनी एफआयआर नोंदवला. रवी रंजन आणि त्याच्या कुटुंबीयांनी आमच्या मुलीचं अपहरण केल्याची तक्रार त्यांनी नोंदवली. काही दिवसांनंतर भानस ओपी येथील मझोली गावातील विहिरीत एक मृतदेह सापडला. रवी रंजनचे वडील बसंत राम यांनी मृतदेहाची ओळख पटवली.

मृतदेह आपल्याच मुलाचा असल्याचा दावा त्यांनी केला. मृतदेहाचं शवविच्छेदन झाल्यानंतर बसंत राम यांनी तरुणीचे वडील, काका यांच्यासह 7 जणांविरोधात रवी रंजनच्या हत्या प्रकरणात तक्रार नोंदवली.पोलिसांनी कोणालाही अटक केली नाही. रवीरंजन एका तरुणीसोबत पुण्यात वास्तव्यास असल्याची माहिती पोलिसांना मिळाली. पोलीस दोघांना पकडण्यासाठी पुण्याला पोहोचले. याची माहिती मिळताच दोघे उत्तर प्रदेशला गेले. दोघे पंडित दिनदयाळ उपाध्याय रेल्वे जंक्शनला पोहोचणार असल्याचं पोलिसांना समजलं. ट्रेनमधून उतरताच दोघांनी रेल्वे लाईनच्या मदतीनं पळण्याचा प्रयत्न केला.

मात्र दोघांना पोलिसांनी पकडलं. रवी रंजनला अटक करण्यात आली.रवी रंजन कुमार स्थानिक बाजारपेठेतील एका अल्पवयीन तरुणीसोबत फरार झाला होता. दोघांचं जबाब न्यायालयासमोर नोंदवण्यात आले असून पुढील कार्यवाही सुरू करण्यात आल्याची माहिती कोचस पोलीस ठाण्याचे निरीक्षक ललन सिंह यांनी दिली. रवी रंजनच्या कुटुंबीयांनी दीड वर्षांपूर्वी कोणावर अंत्यसंस्कार केले, तो तरुण नेमका कोण होता, या प्रश्नांची उत्तरं अद्याप मिळालेली नाहीत.

News Mall18

It is a News Channel where you can get all types of news like we have generated some category like Breaking News, Story News, Live News, Political News, Social news, Impact News Explainer Videos, Digital News, Viral News, Advertise News, Interviews, Promotions, Presentation, Entertainment, Related Movie Trailers, PRO, Awards Etc.

Related Articles

Back to top button

Share this news instead of copying!